Lise skulle på Snøtinden. Vinjar og eg tok turen til Raudheia som ho var på kvelden før. Starta frå parkeringa ved E39. Her er det skilting til Stikk Ut-posten Steinliheia og anna skilting til Raudheia. Gjekk forbi ein bom med PRIVAT på. Store feite skremselsliknande bokstavar. Denne veien er sjølvsagt naturleg å gå, men då må ein passere nokre hytter og det er trasig for dei som evt skulle være der. Gjekk heller stien over søkkblaute og myrete parti til den kom inn på denne veien igjen. Det er ingen vansker til desse toppane. Raudheia er flat og vid. Den store varden med bok er ikkje høgste punkt, så vi gjekk eit stykke bortover og over 2-3 aktuelle toppunkt. På retur møtte vi ein Stikk Ut-samlar som og hadde Peakbookkonto. Roy heitte han. Og når vi kom ned til veien gav eg fanken i den private statusen på veien og gjekk nedover forbi nokre hytter. Ikkje ei sjel å sjå. Ingen PRIVAT-merking når ein kom ovafrå så det var no heilt umuleg for meg å vite det vel!
User comments