Grei sundagstur

Date:

20.10.2013

Såg oss om etter liten sundagstur, og Gjerdrum passa fint. Kaldt, men overskya vêr. Køyrde til Glømmi sport i Nittedal, tok av mot aust og parkerte ved blåmerkt stig til Busterudvangen. Følge denne stigen litt for kort, ved bekken mellom dei to vatna tok vi nemleg av mot høgre og klora oss fram i terrenget opp mot toppen. Nesten oppe kom vi innpå den gode stigen og følgde så denne bort til varden. Synd med trærne rundt toppunktet, for utsikten frå den bratte ryggen mot aust - som vel fortener namnet sitt - er kjempefin. Vi åt nista der vi hadde heile panoramaet framfor oss. Kjapp tur nedatt på stig. Vi brukte 2 time og 15 minutt opp og ned med rask nistepause innlagd. Tom og Uncas var med.

Bursdagstur, og topp 100 og 101

Date:

06.10.2013

Denne gongen Toms 56-årsdag. Sidan han er østfolding, passa det fint å markere dagen med fylkestoppen i Østfold. Blank fin oktobersundag med flotte fargar og stille fine innsjøar. Vi køyrde med tre syklar via Bjørkelangen til Rømskog. Så vakkert det var rundt Rømsjøen! Sykla greitt opp frå bommen. Valde vegen på venstre sida av toppen, på høgaste punktet på den lange slake strekninga, parkerte vi syklane og følgde traktorspora mot aust. Fann heilt greitt toppen med liten varde og bolt. Åt niste på dei fione berga lenger mot nordaust. Og så ned att. derifra køyrde vi tilbake til Bjørkelangen, tok av mot S Mangen, fann bomveg og sykla opp til telemasta. Derifra gjekk vi stigen dei 5-10 minuttane opp til toppen med varde/stang. Såg vel tømmerrestar etter det som har vore >>>

Positiv overrasking i Skien

Date:

22.09.2013

Hadde lese fleire rapportar som skildra denne turen som lang og slitsam, men vi bestemte oss for å vente med Sauherad, og konsentrere oss om Skien og Skårafjell. Parkerte ved skiltet til Dale og Sommerset. Sykla til Grantjern og fann lett skilt og flott blåmerkt og varda stig til Skårafjell. Nydeleg tur i blåber- og tytteberlyng og fine sva. Øystens utsikt var verkeleg flott vestover utover Eiangen, og etter ein roleg tur nådde vi toppen etter knappe to timar. Rast på toppen. Vêret var grått, mildt og oppklarande, og medan vi sat på toppen, kom sola fram. Heimturen var lett, rusletur i lyngen nedover, og stort sett nedoverbakke tilbake til bilen. tre timar og tre kvarter inkludert lang matpause. Sauheradtoppen trur eg kanskje eg skal ta frå nordsida - det er no berre den eg manglar >>>

Kremtopp på kremdag!

Date:

02.09.2013

Andre i Vesterålen

Date:

31.08.2013

Overnatta i leigd hus på Hennes. Møtte på brygga i Kaljord saman med sju andre som var meldt på turen. Båttur inn Lonkanfjorden. Havet som ein spegel, og ikkje ei sky på himmelen. Eventyrleg vakkert! Følgde guiden inn dalen og opp til avsatsen på 500 moh. Niste der. Så opp til elva der vi fylte flaskene. Litt spennande opp frå skardet der det heldigvis er lagt ut kjettingar. Over breen gjekk vi i tau, litt stor glippe mellom berg og bre. Greitt frå breen og opp. Utruleg utsyn! Måtte kle kraftig på oss, for sjølv om vi hadde gått i t-skjorte opp, var det mykje kaldare på toppen, og det skya til litt. Grei nedtur. 5,5 time opp og 4,5 time ned, inkludert mange pauser. 17,5 km og vel ca. 1500 hm. Anne, Eirik, Hallvard, Henriette og Tom var med. Ein av dei aller flottaste så langt!

Første i vesterålen

Date:

30.08.2013

Bryllupsdag og første i Vesterålen

Date:

30.08.2013

Snill fylkestopp i indian summer

Date:

25.08.2013

Eg kom frå Telemark og møtte TOm og Marit + Uncas i Eidsfoss. Kulturhistorisk interessant stad! Køyrde inn bomveg og sette den eine bilen att. Parkert ved neste bomveg til høgre. Gjekk vegen inn til snuplassen og følgde fin stig til Gausesetra. Helste på mann som tjæra 1700-talsselet som står der. Rottenikken budde her på Gausesetra visst. Følgde så den blåmerkte stigen til topps, ca. 3,5 km frå vi sette frå oss bilen. Kjempefin stig på berg og i lyng. Toppen var flott med utsyn i alle retningar. vi åt niste og gjekk bort på den sudaustligsaste toppen. Der fekk vi tips om å følgje stigen rett ned. Hamna mykje raskare på snuplassen. Så for andre toppturistar, om du vil gå raskaste vegen til toppen, så ikkje ta stigen der det står Skibergfjell, men stigen rett fram utan >>>

Bursdagspresang

Date:

17.08.2013

Eg gav Marit tur til Håøytoppen og lunsj i bursdagspresang i mars, og i dag: ein blank fin augustlaurdag realiserte vi turen. Køyretur til Drøbak, hurtigbåten kl 1240 til Håøya, brygga på nordøstsida av øya. Det kom som ei lita overrasking, vi trudde vi skulle gå inn til brygga rett vis a vis Oskarsborg. Men vi starta opp vegen, og tok dessverre den første vesle stigen til venstre for å gå opp og sudover øya. Så vi gjekk i terreng for det meste til vi kom inn på ein raudmerkt stig som gjekk på tvers av øya slik det såg ut. Den skar vi av igjen og heldt rett mot sør, der kom vi inn på stigen att og følgde den sudover. Vi gjekk forbi sjølve toppen for å finne ein lunsjstad med utsyn, og endte opp på berget ved den øvste bunkersen. der rigga vi oss til med duk, tapas, >>>

Siste feriedagen med omveg til Siljan

Date:

11.08.2013

Heim frå hytta etter tre flotte friluftsveker. Sidan eg var sistemann og aleine i bilen, tok eg den lange vegen heim, Seljord via Skien og Siljan til Oslo. Tok av vegen til Grorud og følgde stort sett Osten si rute. Sykla inn vegen til dei store steinane, to på venstre sida og i alle fall tre på høgre. Parkerte sykkelen, tok av rett nord for steinane til venstre, og fann den gamle skogsvegen inn til venstre etter at eg hadde kryssa bekken. Så lenge det var veg/stig gjekk alt greitt, og det gjorde det i og for seg etterpå også, takka vere gps'en. Men litt ergerleg å stadig finne fine stigar og miste dei att, og ikkje greie å halde på dei nedover heller! Men eg gjekk rett på, og fann også greitt nedatt. Toreskrell og mørke skyer gjorde at eg ikkje gjekk bort på den høgare Skiens-toppen, >>>