Tverrfjellet

Date:

07.08.2016

Characteristic:

Hillwalk

Duration:

1:42h

Distance:

6.4km

© Kristin Bakken Første topp på kommunetoppferie med Anne og Eirik. Starta kl 1200 frå Oslo, møtte Anne og Eirik ved bomkassa ved Engeren kl 1515, og gjekk frå Tverrfjellsetra kl 1600, overraskande god lyngstig, berre ur på slutten. 1 time og 42 minutt opp og ned inkludert 10 minutt med fotografering. 6,4 km. 398 hm. Grått vêr, vind på toppen, men god sikt. Anne, Eirik og Tom var med.

Andre gong på Damtjønnuten

Date:

05.08.2016

Characteristic:

Hillwalk

Duration:

4:00h

Distance:

8.7km

For nokre år sida (3?) gjekk Finn og eg til Damtjønnuten frå Dyrdal. I dag gjekk Erling, Anniken, Tom og eg frå Rorgevatnet, dvs Nes på vestsida av Rorgevatnet. Vi gjekk opp flott og bratt stig nord for bekken i hamnehagen. Stigen gjekk bratt opp på det som nok geologisk sett er ei sandmorene. Bekken rann i fine kulpar og fall ved sida av oss med sandbotnar i kulpane. Etter ca 200 m stigning kom vi opp til ein saltstein i kanten av ei myr. Her flata det noko ut, og vi var over tregrensa. Vi heldt til høgre for myra og gjekk nutane vestover. Mykje sauetråkk som vi fann og mista igjen. På ein fortopp med fine rosa flyttblokker åt vi niste i sol. Så gjekk vi til vi såg Damtjønn vest for oss, og der heldt vi til venstre, og gjekk opp frå skardet sudvest for Damtjønn. Derifrå følgde >>>

Molter på Furufjell

Date:

03.08.2016

Characteristic:

Hillwalk

Duration:

2:30h

Distance:

4.0km

Første moltetur til Furufjell

Date:

29.07.2016

Characteristic:

Hillwalk

Duration:

2:30h

Distance:

4.0km

© Kristin Bakken Andre gong til Furufjell i sommar. 35 minutt med jamn gange. Hadde med spann, og etter ein runde ut på nutane mot sør og vest, fekk eg med meg dei første 2,5 litrane med molter. Regnet kom før Uncas og eg var nede att. Var vel borte i 2,5 timar. 351 hm. 4 km? Uncas var med.

Bossnuten frå to kantar

Date:

28.07.2016

Characteristic:

Hillwalk

Duration:

2:12h

Distance:

7.0km

© Kristin Bakken Fordi Knut trenar til stor Storen-tur om ei veke, blei vi samde om at han og Anniken skulle gå til Bossnuten frå Bjåen over Lifjell, medan vi andre ville køyre til Bossbøen å få ein kortare tur. Det passa best for Uncas som fekk for lang tur på tysdag. Og det passa for meg som var blitt nedsylta av forkjøling dei siste dagane. Vi neglisjerte fleire skilt som bonden på Bossbøen hadde sett opp for å halde fotturistar unna. Det gjorde fleire andre også. Men skulle ein respektere dette, bør ein no køyre ut til Varland og gå derifrå. Der er også stig. Raskt opp forbi tregrensa, og så deilig terreng og stig vidare og opp til toppen. Vi fann ei lun grop, rasta og kosa oss medan vi venta på dei som gjekk frå Åmotsdal. Dei kom ca 30 minutt etter oss. Eg brukte 1 time og 10 minutt >>>

Deilig i Åmotsdalsheiane

Date:

26.07.2016

Characteristic:

Hillwalk

Duration:

5:30h

Distance:

12.0km

Køyrde frå hytta og opp bomvegen inn Heiådalen. (50 kr i kontantar i kassa ved Fossheim.) vi parkerte ved Slettevad, gjekk inn vegen til staulen Vierdokki, og opp stigen til staulen Geitenuten. Deilig vêr å gå i, heldt til venstre for Geitenuten, opp til Skinnuttjønni, vidare ned til bekken og så opp den flotte tørre ryggen til toppen. Det kom drivande ei regnbyge vestfrå, men vi gjekk akkurat klår av den, og hadde så hyggjeleg rast i sol. Vi bestemte oss for å bruke den fine dagen litt meir offensivt enn å gå same vegen tilbake. Dermed rutsja vi ned austsida av toppen til Fyljomtjønni, og der klora fem av oss oss opp til Fyljomnuten frå sudvest. Det er bratt der og ur, men fordi vi såg ei grøn renne oppover, tenkte vi at det burde gå an, og ganske riktig, bratt, men heilt >>>

Til Tron i bil

Date:

23.07.2016

Characteristic:

Car drive

Distance:

20.0km

© Kristin Bakken Avslutta den flotte bilturen til Mo i Rana med eit kuriosum: til topps på Tronfjellet i bil! Sonen min er jo ingen friluftsmann, men dette tykte han var kult. Vi køyrde opp i fint vêr, men ei regnbyge drog innover toppen medan vi var der. Klatra først opp på Alvdalstoppen, så bort til varden ved radarmasta på austtoppen. Åt lunsj i bilen pga regnet. Dermed blei fasiten på Mo-turen seks fine nye toppar.

Ny kremtur

Date:

21.07.2016

Characteristic:

Hillwalk

Duration:

4:00h

Distance:

12.0km

© Kristin Bakken Fjerde etappe på veg til Mo i Rana. Hadde overnatta i Harran, og vakna til rekordvarme. 25 grader då eg gjekk frå bilen øvst i Steinådalen. Der heldt eit arbeidslag på med å byrje fundament for nye høgspentmaster - trur eg. Veksla nokre ord med dei før eg la i veg opp lia til venstre for Teltvatnet. Rett nok var det varmt, men ein god vind gjorde dagen fullkomen. Ikkje eit insekt! Eg skar rett opp lia og kom ganske raskt inn på tørr bergrygg. Men før det sprang ein nydeleg brun hare opp, og forsvann framfor meg. Så sterkt å oppleve dyreliv! Følgde bergryggen heilt opp til den vesle toppen med varde. Derifra heldt eg høgda i ein boge, og kom rett på dei to små tjønnane under toppen. Lurte litt på trasé opp, men gjekk til høgre for snørenna og til venstre for det våte >>>

Draumetur til Brannheiklumpen

Date:

20.07.2016

Characteristic:

Hillwalk

Duration:

2:47h

Distance:

8.0km

© Kristin Bakken Rett og slett fabelaktig tur. På veg nordover hadde eg tenkt å ta ein ettermiddagstur etter den vesle føremiddagsturen i Skaun. Men avstanden frå Steinkjer var lenger enn eg trudde, første eit langt stykke langs Snåsavatnet på rv 763. Så vegen mot Imsdalen, og så grusvegen sørover att inn Roktdalen. Bomavgifta var kr 120, heldigvis betalbar PR telefon. Mange stikkvegar innover, heldt kursen mot Holsingsetra etter å ha lese Sola19 sin rapport ( her hadde eg altså budd meg med kartutskrift og turbeskrivingar). 3 km rett fram frå krysset der det står Holsingsetra til venstre fann eg på høgre hand den raude hytta som er Brannheibua. Fann også stigen som startar bak hytta. Gjekk forbi tuftene etter Brannheisetra, og kosta på oppover. Biltermometeret viste 21 grader då eg starta >>>

På sparket til Elgshøgda

Date:

20.07.2016

Characteristic:

Trip by foot

Duration:

1:30h

Distance:

5.0km

© Kristin Bakken Overnatta etter gårsdagens kraftanstrenging på Halland camping. Rimeleg og bra! Bråbestemte meg i dag tidleg og snudde mot Berkåk i staden for å halde fram til Trondheim (målet med turneen er altså Mo i Rana i morgon torsdag). Køyrde ned vakre Rennebu for første gong, greidde sjølvsagt å køyre feil etter Løkken, eg køyrde heilt til Svorkvatnet før eg tok meg innatt. Og ved Solsjøen greidde eg heller ikkje å finne rett veg, der eg sat og brukte nettet i bilen. Køyrde bomvegen mot hyttefeltet Søton utan å betale (har jo ikkje myntar i lommebok lenger) og parkerte der vegen sluttar. Utan kart Busha eg på retningssansen oppover, og gjekk rett på hytta i sørenden av den store myra og så rett opp. Brukte 41 minutt. Toppen var fin, masse moltekart over heile topplatået. Nedover >>>