Bryllupsdag og første i Vesterålen

Datum:

30.08.2013

Snill fylkestopp i indian summer

Datum:

25.08.2013

Eg kom frå Telemark og møtte TOm og Marit + Uncas i Eidsfoss. Kulturhistorisk interessant stad! Køyrde inn bomveg og sette den eine bilen att. Parkert ved neste bomveg til høgre. Gjekk vegen inn til snuplassen og følgde fin stig til Gausesetra. Helste på mann som tjæra 1700-talsselet som står der. Rottenikken budde her på Gausesetra visst. Følgde så den blåmerkte stigen til topps, ca. 3,5 km frå vi sette frå oss bilen. Kjempefin stig på berg og i lyng. Toppen var flott med utsyn i alle retningar. vi åt niste og gjekk bort på den sudaustligsaste toppen. Der fekk vi tips om å følgje stigen rett ned. Hamna mykje raskare på snuplassen. Så for andre toppturistar, om du vil gå raskaste vegen til toppen, så ikkje ta stigen der det står Skibergfjell, men stigen rett fram utan >>>

Bursdagspresang

Datum:

17.08.2013

Eg gav Marit tur til Håøytoppen og lunsj i bursdagspresang i mars, og i dag: ein blank fin augustlaurdag realiserte vi turen. Køyretur til Drøbak, hurtigbåten kl 1240 til Håøya, brygga på nordøstsida av øya. Det kom som ei lita overrasking, vi trudde vi skulle gå inn til brygga rett vis a vis Oskarsborg. Men vi starta opp vegen, og tok dessverre den første vesle stigen til venstre for å gå opp og sudover øya. Så vi gjekk i terreng for det meste til vi kom inn på ein raudmerkt stig som gjekk på tvers av øya slik det såg ut. Den skar vi av igjen og heldt rett mot sør, der kom vi inn på stigen att og følgde den sudover. Vi gjekk forbi sjølve toppen for å finne ein lunsjstad med utsyn, og endte opp på berget ved den øvste bunkersen. der rigga vi oss til med duk, tapas, >>>

Siste feriedagen med omveg til Siljan

Datum:

11.08.2013

Heim frå hytta etter tre flotte friluftsveker. Sidan eg var sistemann og aleine i bilen, tok eg den lange vegen heim, Seljord via Skien og Siljan til Oslo. Tok av vegen til Grorud og følgde stort sett Osten si rute. Sykla inn vegen til dei store steinane, to på venstre sida og i alle fall tre på høgre. Parkerte sykkelen, tok av rett nord for steinane til venstre, og fann den gamle skogsvegen inn til venstre etter at eg hadde kryssa bekken. Så lenge det var veg/stig gjekk alt greitt, og det gjorde det i og for seg etterpå også, takka vere gps'en. Men litt ergerleg å stadig finne fine stigar og miste dei att, og ikkje greie å halde på dei nedover heller! Men eg gjekk rett på, og fann også greitt nedatt. Toreskrell og mørke skyer gjorde at eg ikkje gjekk bort på den høgare Skiens-toppen, >>>

Tur med overnatting

Datum:

02.08.2013

Køyrde frå hytta fredag morgon, drog over Skafsåheii, og fann greitt parkeringa i Berdalen. Gjekk raskt opp til Berdalsbu, brukte 1 time og 20 minutt. Tørr nydeleg stig og sol. Rigga oss til i annekset der det var lov å bu med hund. Tømte sekkane for alt vi ikkje trengte vidare. Klokka 1415 starta vi opp dalen mot Slækjeskardet. Dessverre gjekk vi inn i skodde/lågt skydekke på ca 1100 m. Takka vere GPS gjekk vi ganske rett på toppen. Vi heldt til venstre og bak nokre nutar for det første smale vatnet i skardet, dermed kom vi ned i ein bekkedal som munna ut i det første Gjuvvatnet, men lenger nord enn der helleren ligg. Gjekk forbi eit naust, kryssa elva, og gjekk så bekkedalen opp mot vatnet på 1235. Vi valde å ta av mot venstre FØR vi kom til vatnet, og det var ein veldig grei >>>

Damtjønnuten

Datum:

26.07.2013

Varmaste sommardagen?

Datum:

21.07.2013

Vi starta frå hytta og køyrde sudover ned langs Nisser og til Treungen og vidare mot Åmli. Tok av mot Gjøvdal og køyrde til det vesle skulehuset/bedehuset? etter Såheim. Biltermometeret viste 30 grader då vi starta sykkelturen. Sykla til der stigen tok av mot Grunnetjønnsbu. Følgde raudmerkt stig opp til stor myr, tok der opp til venstre og trefte eit bratt skard med tett granskog. greitt å gå til venstre for bekken. Då vi kom opp og kom over myrene slik at vi såg vatnet framfor oss, blei vi overraska for vi hadde lese kartet feil, og trudde vi hadde gått eit skard lengre nordaust. Men det var jo ikkje vanskeleg å ta seg inn att, så vi gjekk oppover så lenge det gjekk heilt til vi kom til varden på toppen. Nydeleg topp, godt med matpause og drikke. Bading i tjønna rett under >>>

54 år og første gong på nasjonstoppen - på tide!

Datum:

11.07.2013

Fullkomen dag. Vindstille, ikkje ei sky på himmelen. Lang kø gjennom bommen ved Raubergstulen. Men vi rakk avmarsj klokka 1000 frå Juvvasshytta.. Mange taulag på ein så perfekt dag. Vi var fem som gjekk saman. Hyggjeleg rast på toppen som var som eit fuglefjell - tett av folk. Grei tur ned att. Eigenleg overraskande lite strevsam tur dette. Mykje venting pga organiseringa med taulaga. Kathrine, Dagfinn, Johannes og Tom var med. Vi heldt fram til Gjendesheim, og etter overnatting hadde vi ein utruleg fin tur frå Memurubu over Besseggen i dag. To draumedagar - med to klassiske norske turar som vi burde ha tatt for fleire tiår sidan.

Undrumsås etter blåmerkt stig

Datum:

22.06.2013

På veg frå Oslo til Bamble fekk eg lagt inn ein liten stopp i Vestfold. Parkerte ved Holt biologiske gard, leita etter stigen ved å gå inn enga rett fram til høgre og følgde kanten heilt rundt. Gjekk forbi ein stig, men nord i jordet fann eg ein blåmerkt stig som litt utydeleg tar av rett før ein kjem til den vesle dammen nedi dumpa. Stigen var heilt fin den, men det var vått i terrenget og mykje mygg inni dalsøkket der lauvsalen var tettast. Men herleg luft! På GPSen såg eg at eg var i ferd med å kome for langt sud i høve til toppen som var på venstre side, men hadde is i magen og ei stykke sør for toppen vende stigen mot venstre over bekken, forbi ei hytta og tok så bratt og fint opp på toppen frå sørsida. Super utsyn frå denne sørlege enden av toppen. Gjekk så nordover >>>

To småtoppar i høge hælar

Datum:

02.06.2013

Eigenleg gåforbod - men ikkje med høge hælar, så i høge skolettar fekk eg med meg desse to - sidan eg likevel var på besøk på Nøtterøy for første gong. Vakkert! Køyrde heilt til topps på Vetan. Frigitt av Militæret, men likevel låst. Ikkje så smidig som eg burde ha vore under gjerdet. Fint utsyn! Holtekjæråsen og fuglekassepunktet fann vi greitt, sjølv om vi gjekk opp for langt sud. Ein bør parkere ved busslomma ved Grimestad og gå tvers over vegen og opp til sti som går rett bak den vakre plenen i glenna mot nord. Vi stabla nokre steinar opp rundt triggpunktet for neste toppjeger. Marit, Anne og Nina var med.