Etter å ha møtt Anne og Eirik i Mosjøen sundag kveld, drog vi tre til Lomsdalen - Visten nasjonalpark for å hake av Vistkjerringa. Tom valde å bruke dagen på Via ferrata i Mosjøen. Vi køyrde oppover langs elva, inn Eitrådalen og vidare forbi Holmen gard. Avsides plass å drive gardsturisme! Parkerte ved vegslutt, og la i veg oppover. Her gjekk vi rett inn bratthenget og gjorde unna mange høgdemeter (ca 350) før vi kom ut av skogen og lia og var oppe på fjellet og kom til skilt som markerte starten på nasjonalparken. Gjekk så i fascinerande geologi opp langs ryggen til venstre for oss og vidare. Det var kvite svabergparti og svarte, og djupe kløfter og mange fonner / brear. Eit par av dei var litt skumle tykte vi, så vi gjekk ovanfor eller nedafor det vi såg sprekktendensar. Nokre av dei hadde ekle og djupe sprekker mellom berg og fonn. Svære sidemorener i breen rett under toppen. Vi hadde likevel null problem oppover, og kom til slutt innunder toppen, og gjekk dei siste 150 hm bratt opp. Litt artig å sjå toppen framfor seg så lenge. Vi gjekk vel 6 km med toppen framfor oss. Vi brukte 3 timar og 12 opp. Rasta i 40 minutt, og brukte ikkje så mykje mindre tid tilbake. 2 timar og 50, totalt seks timar og 42 minutt. 1229 hm. 17,3 km. Anne og Eirik var med.
User comments