Køyrde vidare etter Ørteknappnuten og parkerte ved garden Holtan der vi åt i bilen før vi starta å gå. Gjekk bratt opp til høgre for tunet og følgde så stig og atv-hjulspor innover myrer og gjennom skogholt og over småberg. Stoppa litt ved den fine hytta Eptevatn som låg ved Eptevatn. Flott vatn for kajakk - så langstrakt og med masse forgreiningar, sund og øyer! Opp myrdrag derifrå og heldt så opp på den lange ryggen som vel er Oksla. Der fann med greitt den vesle varden og rusten matboks på eit tre. Lysegrøn ny blåbærlyng og gamle krokfuruer i sol var fint! Følgde ryggen heilt ut tilbake og kom ned nærare Eptevatn med færre myrdrag å gå. Heim gjekk vi same vegen heilt til vi hadde ca 2 km igjen. Då valde vi ein venstre stig med betre standard og vesentleg tørrare. Den tok oss ned litt bak der vi hadde parkert i vegen. Vi kunne bok med fordel parkert og starta der. 11,3 km, akkurat tre timar på turen inkludert pause på toppen, XX hm. Anne og Eirik var med.
Kommentarer