Archive - Date
Collected lists
-
Smultringer i Trollheimen
(236/237)
99% -
Sunndal ≥ 100m pf.
(50/115)
43%
-
Oppdal ≥ 100m pf.
(35/82)
42%
-
Strengenpanoramaet
(68/187)
36%
Favourite trips
Favourite peaks
Dronningkrona
- Date:
- 26.04.2020
- Duration:
- 2:51h
- Distance:
- 14.6km
Ein aprildag med fantastisk bra skiføre og tidvis fantastisk dårleg sikt. Vi hadde håp om bingo etter å ha studert ei ganske sprikande værmelding, men måtte seie oss fornøgd med å finne vegen til topps i skodda.
Fin temperatur, eit lite lag nysnø på fast skare og ikkjeeksisterande vind bidrog til at det likevel vart ein bra skidag for oss og resten av den temmeleg mannsterke troppen som fann vegen til Dronningkrona denne søndagen. På veg ned igjen letta det såpass at vi fekk brukbar køyring ned til bilen, om enn i ganske så dårleg lys. Mykje snø i fjellet gir håp om ein lang vårsesong med nye ekspedisjonar på jakt etter sola.
Dronningkrona
- Date:
- 22.04.2020
- Duration:
- 3:17h
- Distance:
- 16.3km
Dagens andre utflukt - skal ein først samanlikne kremtoppar på ski, så er det mest rettferdig å gjere det når forholda er like. Litt mør etter Fløtatind-visitten, men ikkje verre enn at det var verdt å gi det eit forsøk med å halde farta oppe oppover lia.
Som alltid ei storslagen oppleving å ta denne turen - utsikta mot Sunndalsfjorden gjer inntrykk kvar gong, sjølv for ein surndaling. Og når ein tippar over toppen og vinden mot all formodning stilnar, så finst det knapt finare plass å vere.
Fløtatinden
- Date:
- 22.04.2020
- Duration:
- 2:51h
- Distance:
- 14.6km
Førstemann til topps på Fløtatind på det som utvilsamt må reknast som ein maksdag. Eit temmeleg solid utslag på euforibarometeret med noko som minna veldig om godt skiføre over tregrensa!
Neådalssnotå
- Date:
- 21.04.2020
- Duration:
- 7:01h
- Distance:
- 32.2km
Det lugga vel litt i augelokka akkurat i det reveljen gjekk klokka 05:00 - men bur ein i Trondheim og vil nytte seg av finværsdagar i Trollheimen, så må ein tåle slikt. Sekken stod ferdigpakka i gangen, og straks termokoppen var fylt med litt svart gull var det berre å sette cruisekontrollen på passe mykje over fartsgrensa for å sørgje for ein tidleg start med ski på føtene. Med soloppgangen i ryggen og utan ein sky å sjå på himmelen, så var det ikkje veldig mange bekymringar med i baggasjen. Det einaste kunne kanskje vere om solfaktor 50 vart i knappaste laget.
Klokka rakk så vidt å bikke åtte før det vart lagt i marsj på hardt føre etter klårversnatta. Lett og fint opp lia mot dagens første smultring, Fluren. Skremte i veg fleire flokkar med ryper som truleg måtte vore >>>
Smultringar på Nerskogen
- Date:
- 20.04.2020
- Duration:
- 3:28h
- Distance:
- 12.6km
Tre lettfordøyelege smultringar lengst aust i Trollheimen. Bomveg gjennom hyttefeltet på Nerskogen og parkering ved Minilla, rett bortafor taubanen. Absolutt ikkje behov for assistanse for å krysse Minilla, som låg med kvitlokket på. Fint og fast skiføre før sola fekk skikkeleg tak - og fin vårsnø på heimveg.
Sørom Storligrenda
- Date:
- 19.04.2020
- Duration:
- 6:57h
- Distance:
- 23.7km
Vervarselet for helga lova oss både sol og skredfare i stort monn, så da passa det bra å oppsøke slakt terreng i Storlidalen. Frå bilen på tur innover dalen kunne vi observere at ikkje alle hadde gjort seg opp dei same tankane som oss, og eit par skispor kant-i-kant med eit skred ned lia på nordaust-sida av Storhaugen lyste mot oss i morgonsola.
Vi var dagens første ekvipasje opp Grugguskaret, og enda opp med å stort sett tråkke spor sjølv. Eit gårsdagsspor vart utprøvd, men forkasta grunna klabbeproblematikk. Som seg hør og bør vart det litt intensivt poseringsarbeid i det Innerdalsfjella åpenbara seg for alvor - slikt skal ein ta seg tid til i godveret.
I staden for å vende opp mot Nonshøa (slik som resten av turfolket denne dagen), fortsette vi inn over vatna på 1209moh >>>
