Navardalsnebba og Tåga (30.08.2022)
Ascents | Navardalsnebba (1,655m) | 30.08.2022 |
---|---|---|
Navardalsnebba S1 (1,456m) | 30.08.2022 | |
Såtbakkollen (1,632m) | 30.08.2022 | |
Såtbakkollen sør (1,617m) | 30.08.2022 | |
Tåga (1,840m) | 30.08.2022 | |
Tåga S2 (1,688m) | 30.08.2022 |
Fin runde med start frå Fale. Den T-merka stien som svingar seg oppover lia er ein fornøyelse å gå - lettkjøpte høgdemetrar i bratt terreng. Vidare innover mot Navardalsnebba blir det mindre sti og meir stein, der enkelte steinar ligg meir uroleg enn andre.
Bratt ned i dalen og like bratt oppatt til ryggen på Tåga. Mykje laus stein på dette partiet, men ikkje hverken vanskeleg eller krevande ruteføring reint terrengmessig, sjølv om det ser slik ut på avstand. Fin etappe nordover til toppen av Tåga, og minst like fin sørover ryggen på retur. Lang og ikkje alt for inspirerande etappe frå Såtbakkollen (det er forresten berre ein sunndaling som kan kome på å kalle dette ein "kolle") ned til stien.
Litt skodde som kom og gjekk på toppane, ellers god seinsommartemperatur.
User comments