Grinaren og Slanglifjellet (31.08.2020)
Ascents | Grinaren (1,528m) | 31.08.2020 |
---|---|---|
Grinaren Sørøst (1,472m) | 31.08.2020 | |
Grinaren NØ (1,203m) | 31.08.2020 | |
Grinaren V (1,352m) | 31.08.2020 | |
Litjgrinaren (1,026m) | 31.08.2020 | |
Slanglifjellet Vest (1,422m) | 31.08.2020 | |
Slanglifjellet (1,488m) | 31.08.2020 | |
Søndre Storfjellet (1,010m) | 31.08.2020 |
Null komma null. Det var fasiten frå gradestokken på bilen da eg parkerte ved stistart opp til Storfjellet. Klårversnatta hadde gjort sitt til at starten på dagens tur vart direkte hustrig. Heldigvis er stien opp til Storfjellet tilrettelagt på ein slik måte at ein fort får varmen i seg, for her er det rett i arbeid opp lia.
Etter å ha raska med meg to "småtoppar" eg mangla etter fjorårets deltaking på Kårvatn Skyrun, tok eg vegen inn i botnen mellom Skjerdingfjellet og Grinaren i jakt på minste motstands veg til Grinaren V. Ei rimfrossen steinur innover i skuggen var det som møtte meg av motstand, men ikkje verre enn at turen opp foregjekk på udramatisk vis. Herifrå gjekk turen vidare i sola austover via Grinaren til Slanglifjellet.
Partiet frå Grinaren til Slanglifjellet er verkeleg ei perle med lettgått terreng og storslagen utsikt mot Innerdalsfjella. Eit solid historisk sus får ein og med på kjøpet med restane frå mange gamle fangstplassar og buestillingar. Forfattaren sjølv var meir opptatt av utsikta enn å leite etter pilspissar, og tok seg god tid til å skue utover Innerdalspanoramaet før turen gjekk nordover via Grinaren NØ og nedatt til bilen.
User comments