Frå Torfinnsbu til Olavsbu gjennom Oksedalen/Rauddalen (25.08.1992)


Map
Visits of other PBEs Olavsbu (1,440m) 25.08.1992

Seinsommartur i Jotunheimen 1992, dag 4

Etter tre dagar i grått, vått og kvitt, opprann endeleg ein blank dag på Torfinnsbu. Snøen over ca. 1400moh som hadde vore ei plage dagen før, låg no som eit vakkert melisdryss over alle toppane. Me tykte helst at me fortente dette, og var grytidleg oppe for å få med oss mest mogleg av eventyret. Vegen måtte uansett gå vestover, og med telt på sekken stod me fritt til å velja overnatting.

Me følgte T-stien i retning Eidsbugarden og fekk ein spanande tur i heilt nytt landskap. Ruta bringer vandraren like inntil noko av det flottaste tindelandskapet mellom Bygdin og Gjende; det er nok å nevna Torfinnstindane, Kvitskard- og Mesmogtinden og ikkje minst Slettmarkpiggen og -høa. Den mest krevjande passasjen var sjølvsagt Oksedalsbandet og ikkje minst Oksedalen der det beint fram rådde full vinter. Ikkje så rart når bandet når opp mot nesten 1700moh!

Mot dei kvitpynta Torfinnstindane, eit massivt forsvarsverk
Mot dei kvitpynta Torfinnstindane, eit massivt forsvarsverk
Praktfull morgon i Langedalen! Dei dominerande toppane er Kvitskardoksla, Søre Langedalstinden og Slettmarkhøa bakerst
Praktfull morgon i Langedalen! Dei dominerande toppane er Kvitskardoksla, Søre Langedalstinden og Slettmarkhøa bakerst
Blank morgonsol over Bygdin
Blank morgonsol over Bygdin
Mot den kvitpynta Mesmogtinden bakerst, flankert av Kvitskardoksla og Søre Langedalstinden
Mot den kvitpynta Mesmogtinden bakerst, flankert av Kvitskardoksla og Søre Langedalstinden
Ved Langedalstjørna med Galdebergtinden dominerande
Ved Langedalstjørna med Galdebergtinden dominerande
Tilbakeblikk mot Kvitskardtinden, Langedalstindane og Søre Svartalspiggen
Tilbakeblikk mot Kvitskardtinden, Langedalstindane og Søre Svartalspiggen
Ved ein pytt mellom Langedals- og Galdebergtjørna
Ved ein pytt mellom Langedals- og Galdebergtjørna
Ved Galdebergtjørna mot Slettmarkpiggen og -høa
Ved Galdebergtjørna mot Slettmarkpiggen og -høa
Snøvassing ved Oksedalsbandet under den ruvande Slettmarkpiggen
Snøvassing ved Oksedalsbandet under den ruvande Slettmarkpiggen
Vintraleg ved Oksedalsvatnet!
Vintraleg ved Oksedalsvatnet!
Ditto!
Ditto!

Vel ute av Oksedalen var avgjerda alt tatt om å fortsetta til Olavsbu – av alle stader. Det kom helst av at dagen ennå var ung og at me hadde mest lyst til å ligga inne endå ei natt. Vegen vart difor lagt stilaust eit kort stykke vest for Geithøa og så inn på den velbrukte stien til Olavsbu. Etter å ha vore under snøgrensa i eit par km, kom me no opp i snøen att. Og dette vart ikkje mindre enn tredje overnattinga mi på Olavsbu denne sommaren.

I munninga av Oksedalen med utsikt mot bl.a. Sjogholstinden
I munninga av Oksedalen med utsikt mot bl.a. Sjogholstinden
Godt å vera tilbake i snøfritt lende, her med utsikt i retning Grønebekk- og Høystakktjørna
Godt å vera tilbake i snøfritt lende, her med utsikt i retning Grønebekk- og Høystakktjørna
Ved Grisletjørna i munninga av Rauddalen med tilbakeblikk på toppane mellom Bygdin og Gjende. Oksedalen der me kjem ifrå, går inn mellom Slettmarkpiggen og Galdebergtinden
Ved Grisletjørna i munninga av Rauddalen med tilbakeblikk på toppane mellom Bygdin og Gjende. Oksedalen der me kjem ifrå, går inn mellom Slettmarkpiggen og Galdebergtinden
Klassisk motiv av Mjølkedalstinden og Olavsbunuten i Rauddalen. Store Rauddalstinden ruvar óg lenger bak
Klassisk motiv av Mjølkedalstinden og Olavsbunuten i Rauddalen. Store Rauddalstinden ruvar óg lenger bak

User comments

Comment title:
Characters left: 1000
Comment text:
You need to be logged in to write comments.