Flott vårnatt i bivuakk på Bjønndalsvio (20.05.2023)
Ascents | Bjørndalsvida (885m) | 20.05.2023 |
---|---|---|
Vardanuten (881m) | 20.05.2023 | |
Vidnuten (882m) | 20.05.2023 |
Flott natt i sovepose og vindsekk på toppen av Vio, 1m frå varden på hovudtoppen 885moh. Brukte snaut 1 ½ time frå parkeringa på Skarstøl om Ytre Jordavatnet. Ei stund såg det trugande ut med mørke skyer, men heldigvis kikka både Venus og Karlsvogna fram etter kvart, så det vart ikkje nedbør.
Vakna som venta til blank himmel morgonen etter og tok ein roleg runde om sekundærtoppane 881moh og 882moh før retur same veg som eg kom. Då hadde det lege tett skodde nede i alle bygdene heile føremiddagen. Sjeldan flott observasjon av eit boltit par på Vio, dessutan var det mange fløytande heiloar, ein spelande enkeltbekkasin og ein del skrattande ryper. Ennå svært mykje snø og isdekte vatn i høgda.
User comments