Moltenuten frå Vela (30.04.2023)


Kart
Bestigninger Moltenuten (777moh) 30.04.2023

Fin tur til denne framifrå utsiktstoppen som sjølv er kjennesleg frå fleire kantar. Me følgte den sørlege traktorvegen opp frå Vela, og på drygt 300 moh kom me inn på stien som leier vidare til støls. Det var såpass langt på dag at me måtte ha ein matpause her. Snøen møtte me på om lag 500 moh, og då av både den gamle og nye sorten etter bygene som feia over Ryfylke i går. Denne dagen var det derimot meir stilt og grått utan særleg nedbør.

Tid for matpause
Tid for matpause
Både gammal og ny snø over 500 moh
Både gammal og ny snø over 500 moh

Vel oppe på høgda var det som venta flott utsikt, og me var óg bortom utsiktsvarden før me tråkla oss forbi Lomakjelnuten på vestsida og vassa til topps på Moltenuten i nesten samanhengande snø. Då hadde me brukt litt over 2 ½ timar til varden på 777 moh. Her var det sjølvsagt endå betre utsikt, men óg ein trekk som gjorde at me gjekk litt ned i lesida mot Velavatnet for ein ny mat- og kaffipause.

Ved utsiktsvarden der me óg får Moltenuten i syne
Ved utsiktsvarden der me óg får Moltenuten i syne
Frå same staden mot Sandsfjorden med Ropeid til venstre. Me ser Rv. 13 med parkeringa og starten av traktorvegen nede til venstre
Frå same staden mot Sandsfjorden med Ropeid til venstre. Me ser Rv. 13 med parkeringa og starten av traktorvegen nede til venstre
Mot Velavatnet med Botnanuten til venstre. Det kvitkledde platået toppar seg med Heimsvarden lenger bak
Mot Velavatnet med Botnanuten til venstre. Det kvitkledde platået toppar seg med Heimsvarden lenger bak
På toppen av Moltenuten med Stølsfjellet og Rødsnuten lenger bak
På toppen av Moltenuten med Stølsfjellet og Rødsnuten lenger bak
Litt nedanfor toppen på sørsida med utsikt mot Blomedalen og Stølsfjellet med Rødsfjellet bakanfor
Litt nedanfor toppen på sørsida med utsikt mot Blomedalen og Stølsfjellet med Rødsfjellet bakanfor
Frå same staden med meir vestleg utsikt mot bl.a. kvitpynta Grytenuten til høgre
Frå same staden med meir vestleg utsikt mot bl.a. kvitpynta Grytenuten til høgre
Mat- og kaffipause i godt le nedanfor toppen med utsikt mot Velavatnet og Ullsvatnet med Ullsfjellet dominerande
Mat- og kaffipause i godt le nedanfor toppen med utsikt mot Velavatnet og Ullsvatnet med Ullsfjellet dominerande

Returen la me om Lomakjelen som må vera ein framifrå badekulp ein varm sommardag, deretter same trase ned att til traktorvegane, der me følgte den nordlege tilbake til parkeringa. Fasit vart 5 timar og ca. 700 hm på tur, og vinteren gjorde at det var lite liv å sjå og høyra, i alle fall i høgda. Likevel såg me ei havørn i svev over Sandsfjorden og høyrde ei grønspette kvinka i skogen.

Ved fascinerande Lomakjelen der ein kan bada og sjå like til Sauda
Ved fascinerande Lomakjelen der ein kan bada og sjå like til Sauda
Vintraleg avslutning av april 2023!
Vintraleg avslutning av april 2023!
Frå parkeringa ser me som venta opp til utsiktsvarden meir enn 500 hm ovanom
Frå parkeringa ser me som venta opp til utsiktsvarden meir enn 500 hm ovanom

Kommentarer

Tittel:
Tilgjengelige tegn: 1000
Kommentartekst:
Du må være innlogget for å skrive kommentarer.