Frå Gjendesheim til telt i Nedre Russglopet via Besseggen (09.08.1992)

Kart

Bestigninger	Veslfjellet (1743moh)	09.08.1992
Andre besøkte PBE'er	Besseggen (1500moh)	09.08.1992

Sommartur i Jotunheimen 1992, dag 0 og 1

Sommarturen med Geir dette året gjekk til Jotunheimen, og denne gongen var Vegard med oss på ein ambisiøs 7-dagars runde. Med ungdomskort frå DNT med billig overnatting på sovesal og medbrakt 3-manns telt, låg alt til rette for mykje moro for pengane. Første natta la me oss i Fjällräven-teltet mitt på den flataste flekken me kunne finna ovanom Gjendesheim, til smellvakker utsikt over fjellsjøen.

Første skikkelege turdagen gjekk me over Besseggen – 3 år sidan sist for min del – og ei like fin oppleving no som då. Me skulle vidare til Glitterheim, så då var det sjølvsagt mykje å spara på å droppa turen nedom Memurubu. Det er jo noko av bonusen med telt sjølv om ein går på T-stiar, at ein kan velja rute så mykje friare. Me la difor vegen ned i Russglopet og fann ein framifrå teltplass der mellom Besshø og Gloptinden.