Archive - Date

Archive - Activity

Peakbook-Friends

knutsverre
knutsverre
opps
opps
otto
otto
anneg
anneg
JonnyA
JonnyA
JoNy
JoNy
repelo
repelo
sinyg
sinyg
KristineL
KristineL
avatar
ArneBNyg
janyga
janyga
siroho
siroho

Collected lists

Show all collected lists

Lofottur dag 3: Okstinden, Offersøykammen og Skottinden

Date:
16.05.2019
Distance:
3.8km

Nok ein morgon med dårleg vêr. Skodda låg tjukk over Vestvågøy, og vi såg etter ein liten topp å gå på. Vi fann Okstinden ved Haukland. Ingen råk å følgje, men fint terreng å gå i. Litt utsikt på veg oppover, skodde på toppen. Vidare vurderte vi å gå på Holandsmelen, men tjukk skodde førte til at vi ikkje gjorde det. Da vi køyrde vidare såg vi at skodda hadde letta over Offersøykammen, så da drog vi dit. Ein fin tur på bra råk. Ganske bra utsikt på toppen. Etter turen drog vi til AirBnB-overnattinga vår på Gravdal. Der snakka vi med husverten, som sa fortalde om Skottinden, så da drog vi og gjekk på den. Ein flott tur på bra råk, og strålande utsikt på toppen. Ein veldig vellukka dag på tur i Lofoten.

Map    

Lofottur dag 2: Håtinden og Breidtinden + to

Date:
15.05.2019
Distance:
4.6km

Da vi stod opp var det overskya og litt stusseleg vêr. Vi køyrde i vegen sørover Lofoten på jakt etter ein tur, og den vi fann var Håtinden der parkerte vi i vegkanten på E10, og gjekk på vegen mot Langøyra, og følgde råk opp til Lyngedalsheia. Derifrå gjekk vi i terrenget opp til toppen. Overskya, men fin utsikt. Andre tur gjekk på Rambergfjellet, der fekk vi sol. Tredje tur vart Slåttfjellet. På båe disse toppane var det gode råk. Fjerde og siste tur vart på Breidtinden ved Leknes. Bra råk som gjekk over Ramntinden. Kristine trudde ho hadde gløymt lua si på toppen, så det vart ein tur til opp dei siste 150 høgdemetrane. Vi satt opp teltet i vegkanten på Einagen, hundre meter frå der vi gjekk opp til Breidtinden.

Map    

Lofottur dag 1: Tjeldbergtinden og Søråsen

Date:
14.05.2019
Distance:
5.4km

Ferietur til Lofoten. Vêret var ikkje noko særleg da vi drog i frå Evenskjer, og betra seg heller ikkje medan vi køyrde til Svolvær. Så fyste tur vart på biblioteket i byen. Etter kvart betra vêret seg noko, og det vart fottur. Vi gjekk på Tjeldbergtinden like utanfor Svolvær. Flott utsikt på toppen. Nede att ved bilen vart vi einige om å gå på Ørnhaugen. Litt kratt oppover, men utsikt på toppen. Bomma litt på veg ned att, og vi måtte gå opp att ein del etter å ha møtt på eit lite stup. Etter turen køyrde vi litt vidare, litt forbi Kabelvåg, og gjekk på Søråsen. Ein fin liten tur. På tur ned frå toppen såg vi at det var ein gapahuk ved vegen, så vi gjekk bort dit. Vi vart einige om å telte der, så vi gjekk å henta bilen og køyrde opp dit. Finfin campingplass. >>>

Map    

Maistua og Gansåstoppen

Date:
11.05.2019

Turar med Kristine og Benedicte. Vi satt lengje i “glaskuppelen” på Maistua, og vi var lengje på toppen av Gansåsen. Gløymde å fotografere på Maistua. Vi gjekk bortom der nåla er satt inn på Peakbook på Gansåsen, men båe kartet med einmeters-koter og augemålet mitt seier att trigpunktet er høgare.

Map    

Andsfjellet og Åsen

Date:
10.05.2019
Distance:
7.5km

Vêrmeldinga spådde mykje vind og på morgonen var det delvis overskya. Vi ynskja difor ikkje nokon høg topp, og valet fall på Andsfjellet. Vi køyrde opp vegen mot toppen, som var brøytt opp til om lag 400moh. Der tok vi på skia og gjekk mot toppen. Telemark- og randonne-skia fungerte bra, men langrennsski hadde fungert like bra på denne turen. Mykje vind, men greitt vêr og flott utsikt. Turen var ikkje spesielt lang eller tung, så vi tok ein liten tur til. Vi køyrte til Åsen, og gjekk opp til Åsen. Kurant spasertur, men lite utsikt på toppen.

Map    

Stor-Kjølen og Juksafjellet

Date:
09.05.2019
Distance:
11.8km

Stor-Kjølen er ein topp som synast fint i frå Tromsø, og som vi hadde prata om å gå på før. Etter råd om å parkere ved Storelva stadion drog vi dit. Vi bar skia opp vegen frå stadion og kunne ta dei på med ein gong vi gjekk av vegen. Greitt å gå oppover, men litt sikk-sakk for å unngå barflekker. Gjekk om eit par småtoppar på veg opp. Storslått utsikt på toppen, og godt å sitte i solveggen. Ned at var dei fyste 90-100 høgdemetrane morosame, før det vart slakt og ganske kjedeleg til vi var på Akselkollen igjen. Derifrå vart det betre, men litt roten snø. På veg til overnatting i Målselv fann vi ut at vi skulle ta ein tur til. Turen gjekk til Juksafjellet ved Strupen i Balsfjord. Mykje snø og vi søkk ein del. Litt utsikt frå toppen.

Map    

Tre småtoppar rundt Tromsø

Date:
08.05.2019

Etter tre kromtopper på tre dagar i strålande vêr, var det i dag spådd dårlegare vêr. Vêrmeldinga slo til, og skitur freista ikkje. Men tur vart det. Fyst drog vi sørover frå Tromsdalen, til Ramfjordnes. Der gjekk vi gjennom bratt kratt og roten snø opp til Storåsen. Litt utsikt på toppen, men øydelagt av vêret. Neste fottur vart etter ein kinotur i Tromsø by og installering på neste overnattingsplass på Kvaløysletta. Vi hadde eigentleg sett på to småtoppar nordover på Kvaløya, menn fann ut at det vart båe kortare og køyre og gå om vi drog sørover. Vi stoppa på ein parkeringsplass i Henrikvikdalen og gjekk på Nattmålsfjellet. Ved vegen var det mykje snø, og vi snakka på at det kunne ha vore bra å gått med ski, til vi huska at fellane låg at i leilegheita. Da >>>

Map    

Tromsdalstinden

Date:
07.05.2019
Distance:
12.9km

Tromsdalstinden er ein topp vi har hat lyst til å gå på etter at vi gjekk på Skarsfjellet, Blåmannen og Blåfjellet i mars. Nå var det dags for tur dit. Ettersom gårdagen vart så sein, og vêret var spådd bra heile dagen, hasta vi ikkje med å komme av gårde. Vi sov lengje, og åt sein frukost, før vi drog frå overnattinga vår i Tromsdalen til parkeringa ved Asko på Leirbakken. Tydeleg at dette er ein populær tur; det var mange bilar på parkeringsplassen, og to stykkar gjekk i vegen når vi kom, og når vi gjekk i vegen byrja ein annan å gjere seg klar. Ho gjekk forøvrig forbi oss eit stykke oppi sida. Vi var litt redde for at vi måtte bære skia litt i byrjinga, sidan parkeringa ligg såpass lågt og i sørhallinga. Men det slapp vi, snø heilt ned til parkeringa, og heile >>>

Map    

Fugletinden og to småtoppar

Date:
06.05.2019
Distance:
13.1km

Vi byrja dagen med ein god frukost og utpakking frå Malangen Apartment, før vi drog til Luneng og gjekk ein flott skitur på Fugltinden. Etter den turen drog vi på sightseeing til Middagsbukta i Balsfjorden, kor bestemora til Kristine er i frå. Vidare drog vi på besøk til grandtanta til Kristine i Soleng vest for Bentsjorda. Etter å ha vore på besøk der drog vi ut til Sommarøy utanfor Kvaløya. Der gjekk vi to små turar, fyst på Nordkollen på Hillesøy, så på Ørnflygnakken på Kvaløya. Til slutt drog vi til overnattingsstaden vår i Tromsdalen. Vi kom fram ganske seint og det vart sein middag. Vi parkerte på ein liten parkeringsplass ved hovudvegen like ved Luneng. Vi hadde håpa at vi kunne køyre inn vegen som er teikna inn på kartet, men han var ikkje brøytt. Oppover var >>>

Map    

Hjerttinden

Date:
05.05.2019
Distance:
18.6km

Vi har tatt tidleg sommarferie i år, og fyste tur går i nordleg retning. Vi drog frå Evenskjer litt over klokka ni med Hjerttinden som turmål. Etter litt over to timar i bilen var vi framme ved Lynghaug parkering, og gjorde oss klare til tur. Vi kunne ta på oss skia allereie ved bilen, og vi hadde dagferske spor å følgje oppover. Da vi kom opp på nedsida av Veidfjellet møtte vi på ein del tamrein, som hadde lagd mykje spor rundt omkring. Etter Veidfjellet gjekk sporet vi følgde på nedsida av Hjerttindtuva, medan vi gjekk opp mot Hjerttindtuva. Like etter at vi hadde tatt av frå spora såg vi dei to forran oss på veg ned på ryggen frå Hjerttindtuva. Dei hadde ikkje vore på Hjerttinden, men gått opp på baksida av Hjerttindtuva. Det vart ganske bratt, og veldig hardt, det siste >>>

Map