Archive - Date

Archive - Activity

Peakbook-Friends

repelo
repelo
knutsverre
knutsverre
otto
otto
opps
opps
avatar
Beritf
Flugis
Flugis
JoNy
JoNy
KristineL
KristineL
anneg
anneg
Synnøve
Synnøve
sinyg
sinyg
AndersNM
AndersNM

Collected lists

Show all collected lists

Store Kågtinden

Date:
09.07.2019
Distance:
13.2km

Parkerte på p-plassen rett sør for traktorvegen som går innover til Storbuktvatnet. Gjekk traktorvegen innover, og tok av frå vegen like før det vesle Storbuktvatnet. Følgde merkinga opp til toppen. Flott utsikt på toppen, men litt overskya. Ned att følgde vi snørenner ned bratta og på oversida av punkt 485moh. Flott tur.

Map    

Arnøyhøgda og to turar på Skjervøya

Date:
08.07.2019
Distance:
12.4km

Arnøyhøgda på Arnøya i Skjervøy var turmålet i dag. Vi tok ferga frå Kågen via Laukøya til Arnøya klokka 10. Vi køyrde innover ein traktorveg og parkerte like før steinbrotet mellom Tjuvdalen og Nygård, kunne ha køyrd heilt inn. Vi såg ikkje råket som starta like før steinbrotet, så vi gjekk i ur og kratt til å byrje med. Mykje betre å følgje råket som vi gjorde på returen. Fint oppover Tjuvdalen, med litt sporadisk råk. Frå 400moh og oppover var det ein del snø. Grei å gå i oppover, veldig fin å gå/skli på nedover, det spara mykje tid. Gjekk for det meste på berg/ur oppover og på snø nedover. Fenomenal utsikt på toppen og strålande sol. På veg ned gjekk vi oppom Silstøaksla. Var attende på fergekaia i god tid til ferga som gjekk klokka 17.05. Attende i leilegheita >>>

Map    

Koppartind, to toppar i Skjervøy og helleristingane i Alta

Date:
07.07.2019
Distance:
10.9km

Endeleg flott vêr at! Vi skulle køyre sørover frå Alta til Skjervøy, turmålet undervegs vart Koppartind. Fyst vart det eit stopp i Alta, på helleristingane på Hjemmeluft. Koppartind Turen opp til Koppartind byrja på bra og merka råk. Men råket forsvann ikkje høgt oppi lia. Men terrenget var fint og lett å gå i, så det var ikkje noko problem. På båe Laslettind og Olderbakkfjellet var det store vardar og turbok. Båe stader var disse plassert eit lite stykke unna høgaste punkt. I mellom Olderbakkfjellet og Koppartind var det ein del snø, men det var fint å gå der. På Koppartind bygde vi to nye vardar. Den fyste på ein liten sidetopp/pinakkel med 4-5 meter i primærfaktor. Den andre varden var ein kraftig forstørring av den som allereie var på toppen. Ein flott tur i strålande >>>

Map    

Alta

Date:
06.07.2019

Tre turar i dårleg vêr. Den fyste på veg til Alta frå Hammerfest, dei to andre i Alta etter fyst å ha vore på campingplassen ein tur.

Map    

Tur til Nordkapp

Date:
05.07.2019

Tur med Nordkapp som mål. Vêret var spådd finast tidleg på dagen, så vi tok ein tidleg frukost på hotellet, og køyrde frå Hammerfest klokka 8.10. Framme ved Nordkapp litt over elleve, der fann vi ut at vi ikkje ville betale inngang, så vi snudde ved bommen og køyrde ein kilometer attende. Vi parkerte på ein parkeringslomme ved maste ved vegen til Davvenjarga. Derifrå gjekk vi til Nordkapp, det er gratis inngang for gåande og syklande. Vi gjekk fyst rundt på Nordkapp-platået, som var veldig fint, før vi gjekk inn i bygningen. Der inne var det også fint, med ein del krigshistorie frå området, og ein fin film om Nordkapp. Attende til Hammerfest hadde vi tenkt til å gå nokre småturar. Fyste tur vart Davvenjarga. Eg starta Peakbook-appen rett utfor døra på Nordkapp-bygget. >>>

Map    

Tre turar på veg mellom Nordreisa og Hammerfest

Date:
04.07.2019

Tre små turar på veg frå Nordreisa til Hammerfest. Fyste tur var Svanehompen . Det var ein lettgått tur i fin bjørk- og furuskog. Andre tur gjekk til Nesaksla . Det var også ein lettgått tur, men det var frodigare vegetasjon der, så vi vart blaute. Vi stoppa så for å gå på Mikkaltinden, men etter eit kjapt måltid byrja det å regne, så vi droppa den turen. Tredje og siste tur for dagen vart Komsa i Alta. Gjekk opp og ned på råk. Vi vurderte også fleire turar undervegs, men vêret var ikkje på lag med oss i dag. I Hammerfest gjekk vi til Meridianstøtta.

Map    

Store Blåmann og Vardfjellet

Date:
03.07.2019
Distance:
6.5km

Store Blåmann på Kvaløya var målet for dagen. Vi prøvde å komme i gang så tidleg som mogleg, for å få mest mogleg sol på turen. Vi val same startsted som mange andre Peakbookarar, og gjekk på bra råk opp til toppen. I høgda var det ein del snø som var roten, og vi sank ein del og sklei bakover, så det vart ekstra tungt. På om lag 800moh mista vi råket i eit lite snøparti, og kom inn i eit skikkeleg klyveparti. Godt å ikkje gå der ned at. Storslått utsikt på toppen, og godt vêr. På nedturen tok vi ein lang pause i sola på om lag 600moh. Etter turen på Store Blåmann køyrde vi vidare nordover, vi hadde ordna overnatting på Sandnes Fjord Camping ved Straumfjorden i Nordreisa. Undervegs på bilturen fann vi ut at vi ville ta ein tur til, og valet fall på Vardfjellet. >>>

Map    

Store Bentsjordtinden

Date:
02.07.2019
Distance:
7.0km

Vêret var spådd best utover dagen, så vi venta til litt utpå dagen med turen. Målet for turen var Store Bentsjordtinden. Vi parkerte på den vesle parkeringslomma i Brokskar. Derifrå gjekk det bratt opp gjennom skogen. Godt råk, men litt glatt underlag. Oppe av skogen, på 320moh, flata det ut ein del, og vi fekk fin utsikt mot toppen. Oppover fjellsida var råket berre sporadisk, men det var veldig fint å gå oppover. Flott utsikt på toppen, og stor, fin varde. Nokon lunde same veg ned, men vi følgde nokre snøpartiar.

Map    

Kistefjellet

Date:
01.07.2019
Distance:
16.4km

Etter god frukost og ein hyggeleg morgon hos Jorunn på Senja drog vi på tur. Vêrmeldinga spådde overskya, litt regn, men lite vind. Kistefjellet med bilveg opp til toppen virka som ein grei tur når vêret ikkje var på sitt beste. Det starta temmeleg bra, det var overskya, men ikkje vind eller regn. Da vi kom opp i mellom Kistefjellet og Kvittinden kom diverre skodda, og vi hadde ikkje sikt før vi var nede på om lag 700moh, nedunder Kvittinden. Vegen var grei å gå, litt laust nokon stader etter trakkemaskina som køyrde forbi oss, og det var litt snø i høgda som var tung å gå i. Fint terreng opp til Kvittinden, men litt glatt på steinane. Ned frå Kvittinden hadde vi på veg opp sett nokre snørenner som såg fine ut, men dei var vanskelege å finne i den dårlege sikta. Men vi >>>

Map    

Storala

Date:
30.06.2019
Distance:
14.7km

Året vårt i Nord-Norge nærmar seg slutten, og i dag flytta vi ut av leilegheita. No skal vi køyre litt rundt i nord før vi sett kursen sørover til Valdres. Tilhengaren med flyttelasset skal vi ha ståande hos Jorunn på Silsand medan vi køyrer rundt oppi her. I dag var det spådd varierande vêr, men på Storala i Bardu var det spådd fint. Storala ligg også fint til rett ved E6 ved Setermoen, noko som passa bra på vegen mellom Skånland og Senja. Vêret var ikkje altfor fint når vi gjekk i vegen, det regna litt og Storala låg i skodda. Men det betra seg gradvis, og oppe i høgda fekk vi flott vêr. Nysnøen dei siste dagane var glatt og tung å gå på, men la ei fantastisk kulisse over landskapet. Ned att gjekk vi oppom Orta. Veldig bra råk på mesteparten av turen.

Map