Archive - Date
Archive - Activity
- Bike trip (13)
-
Other winter trip (6)
- Snowshoe trip (6)
-
Ski trip (173)
- Backcountry skiing (10)
- Cross-country skiing (147)
- Randonnée/Telemark (16)
-
Trip by foot (203)
- Alpine trip (6)
- Hike (44)
- Hillwalk (134)
- Jogging (16)
- Walk (3)
Peakbook-Friends
Svellen
- Date:
- 15.08.2018
- Distance:
- 10.4km
Fyste dag som fastbuande i Skånland, og siste dag i sumarferien. Det vart sein frukost og sløving i sofaen før vi drog ut på tur. Vi hadde sett ut Svellen som ein ikkje så altfor lang og tung tur, og hadde funne turskildring på nettet. Vi køyrde om lag ein halvtime til parkeringa i Krokmyrdalen. Derifrå følgde vi godt råk oppover mot toppen. Når vi kom mot slutten av skogen såg vi litt molte, vidare oppover såg vi berre meir og meir. Vi skreiv oss inn i ei turbok på høgde 420moh. Vidare gjekk råket like vest for høgde 657moh og over høgde 687moh. På høgde 687 bygde vi ein varde. Råket går til toppvarden, som er om lag 100 meter vest for høgaste punkt, og 15 meter lågare. På tur ned at plukket vi molta vi hadde sett på tur oppover, vi plukka 1,8 kilo. Det vart ein flott >>>
Lille Forra
- Date:
- 14.08.2018
- Distance:
- 10.5km
Siste dag på tur nordover. Vêret var ikkje så ille; det var litt grått, men ikkje regn. Vi vart einige om å prøve oss på Lille Forra. Vi køyrde gjennom Steigentunnelen og parkerte der dei andre peakbookarane hadde parkert, og gjekk nokolunde same veg opp. Det var veldig blautt i graset oppover og i høgda var steinane sleipe og jorda laus, men det var greitt å gå. På toppen låg skodda, så den fenomenale utsikta toppen må ha, såg vi ikkje noko til. Det vart likevel ein flott tur, som toppa seg med at vi fann 1,1 kilo molte på myrane nordvest for Forsvatnet.
Etter turen fortsette turen videre med ferga frå Bognes til Lødingen, og den siste korte timen med køyring til Evenskjer. Endeleg framme, og klare for eit nytt skuleår.
Andfjellet
- Date:
- 13.08.2018
- Distance:
- 8.8km
Turen mot Evenskjer fortsetta. Vi var i tvil om vi skulle ta siste del på ein eller to dagar, og ble einige om å sjå an vêret. Det var grått og trist når vi byrja å køyre, og tur såg ikkje heilt aktuelt ut.
Den fyste rasten tok vi i Mo i Rana, der kjøpte vi dugurd på ein koseleg kafé. Medan vi køyrde oppover Dunderlandsdalen betra vêret seg nok til at vi ynskja å ta ein tur, valet falt på Andfjellet.
Opp dit var det veg til masta på fortoppen, det var tungt, men veldig fint å gå. Frå masta til hovudtoppen var det ikkje okke veg eller råk, men det var fint å gå i terrenget der. Flott topp, men diverre tillét vêret ikkje den heilt store utsikta.
Vidare på turen stoppa vi på Polarsirkelsenteret før vi åt middag i Fauske. Frå Fauske køyrde vi til Tømmerneset camping, >>>
Oftenåsen
- Date:
- 12.08.2018
- Distance:
- 4.6km
Kristine og eg skal byrje i lærarjobb i Evenskjer i Troms, og no er vi på tur nordover. Vi stoppa i Steinkjer for å strekkje på beina, og Oftenåsen var ein fin topp. Den høgaste toppen var ikkje særleg mykje og skryte av; han låg midt inni skogen. Elles var det bra råk heile vegen. Flott utsikt utover Steinkjer frå toppen og Peilehytta var koseleg. Korte stopp i Steinkjer og Mosjøen, før vi campa like nord for Mosjøen.
Kotor
- Date:
- 06.08.2018
- Distance:
- 1.4km
Måndag byrja vi dagen med ein god hotellfrukost, før vi kosa oss på stranda nokre timar. Vi gjekk til Kotor, og åt middag i den vakre gamlebyen. Etter middagen var vi ein liten tur på eit kjøpesenter rett utanfor gamlebyen. Rundt gamlebyen er det storslagne bymurar, som går opp til ein borg på 260 moh. Vi betalte inngangen på åtte euro kvar for å gå på muren. Vi gjekk opp til borgen, eit stykke opp på muren var det ei flott kyrkje. Sjølv om vi gjekk på kvelden var det varmt å gå dei 260 høgdemetrane til toppen. I følgje kartet er det ikkje mykje primærfaktor på borgen, men det er ein del meir enn kva kartet visar. Satt på appen oppe på toppen og gjekk med han ned att, hugsa ikkje å skru han av før vi var ute av gamlebyen. Etter toppturen gjekk vi innom ein matbutikk. >>>
Velji Grad
- Date:
- 05.08.2018
- Distance:
- 5.2km
Laurdag hadde vi ein lat og roleg dag i Utjeha. God hotellfrukost, etterfølgd av soling og bading heile dagen. Middagen vart eit kulinarisk høgdepunkt på turen; biff fylt med geitost i soppsaus, med stekte poteter og salat. Etter middagen såg vi på den flottaste solnedgangen eg har sett.
Sundag skulle vi til Kotor, vi hadde bestilt hotell i Muo, fire kilometer nordvest for byen. På vegen hadde vi tenkt oss på Rumija (1595 moh.) ved Stari Bar, men bilvegen vart litt for heftig for den vesle leigebilen vår. Vi hadde også sett på Stirovnik (1749 moh.) men googlemaps viste at vegen ned til Kotor derifrå var stengd, så vi slo det frå oss. Seinare såg det ut til at det berre var tull, diverre. Vi såg oss ut toppen Velji Grad ved Sutomore, den kom vi oss på.
Vi klundra litt med å finne >>>
