Vi parkerte nedanfor Solvang gård, og bar skiane oppover vegen. Vi kunne ta på skiane med ein gong vi gjekk i vegen oppover skogen. Det var nokre berrflekker, men vi slapp å ta av skiane altfor mange gonger. Over Storbekken måtte vi ta dei av. Opp til Sleukampen satt vi frå oss skiane på om lag 1300moh. og gjekk opp til toppen. Flott utsikt!
Vidare var det flatt og lettgått terreng over Eriksrudkvølve, før oppstigninga til Bukletten. Der og satt vi frå oss skiane før toppen. Flott utsikt der og, særleg mot Sølnkletten.
Oppover mot Skjellåkinna følgde vi flanken, før vi satte frå oss skiane 80 høgdemeter nedunder toppen.
Deretter gjekk vi over Østre Skjerallen, og fekk flott nedkøyring før oppstigninga til Eriksrudhøe. Der og satt vi frå oss skiane før toppen, da vi var usikre på snøforholdane ned frå toppen. Det var lurt, for nedkøyringa vestover frå toppen såg ut til å vere berre stein. Der vi køyrde var det faktisk ganske gode forhold.
Kommentarer