Grindane (25.04.2020)
| Start point | Stakstøbakken vinterparkering (810m) |
|---|---|
| Endpoint | Stakstøbakken vinterparkering (810m) |
| Characteristic | Randonnée/Telemark |
| Duration | 6h 54min |
| Distance | 18.0km |
| Vertical meters | 1,160m |
| GPS |
|
| Ascents | Grindane (1,724m) | 25.04.2020 15:04 |
|---|---|---|
| Vest for Grindane (1,564m) | 25.04.2020 16:15 | |
| Visits of other PBEs | Stakstøbakken vinterparkering (810m) | 25.04.2020 17:41 |
Nok ein dag med flott vêr. Det var spådd ein del vind fleire stader i dag, men på Grindane skulle det vere lite vind til lang utpå dagen, så da gjekk turen dit.
Vi parkerte ved vinterparkeringa like etter bommen på Helinvegen, og følgde scooter-spor oppover. Veldig fint å gå. Da vi kom opp til Skavlen på om lag 1000 moh møtte vi på dagens første berrflekk. Det gjekk greitt å gå på ski der, men verre skulle det bli.
Vi hadde vore litt betenkte med tanke på snøras i bratta mellom Grindane og Grindetjernet, men det var ingen fare. Der var det nesten ikkje noko snø at. Vi gjekk sikk-sakk for å halde oss på snø, og gjekk igjennom kratt. Til slutt sklei vi 20 høgdemeter ned at, og gjekk i kanten av Grindetjernet. Løypa oppover var heller ikkje den beste før vi kom bort til råket, der vart det betre.
Oppover til Grindane var det mykje stein, og vi satt frå oss skiene på om lag 1480 moh. Vi kunne nok ha gått med dei opp til om lag 1630 moh, men det gjekk greitt å gå på føtene, sjølv om eg sank igjennom ein del.
Fantastisk utsikt på toppen. Og ly frå varden gjorde at det var varmt og godt og sitte der.
Nede at ved skia gadd vi ikkje å ta av fellane for dei 70 høgdemetrane ned til skardet. Oppover mot toppen Vest for Grindane (som kanskje heller burde heitt Belgjinøse nord?) var det bratt, og steinhardt.
Nedover frå skardet var det slush-snø, og fin-fin køyring. Vi klarte å finne samanhengande snø heilt til bilen, men måtte gå opp at ein del høgdemeter sør for Grindetjernet for å gjære det.
Turen vart lengre i kilometer, men spesielt i tid, på grunn av snømangelen, men det vart ein flott tur. Skiturar på Grindane synger nok på siste verset for denne vinteren.
User comments