Archiv - Nach Datum

Archiv - Nach Aktivität

Gesammelte Listen

Alle gesammelten Listen zeigen

Lieblingsgipfel

Raudberg og Storeskardnøse

Datum:
13.11.2022
Tourcharakter:
Bergtour
Entfernung:
9,4km

Var i Hemsedal i går, og det gav meirsmak. Det vart tur over fjellet i dag også. Litt kortare køyring, 64 km ein veg frå Lærdal til parkeringa ved Ershovdstølane. Eg tok ikkje sjanse på å køyre over på støls-sida, sidan det var hengelåsar ved bommen. Den var open, men eg kjenner ikkje rutinane. Veldig fin sti oppover mot Raudberg. Det viste seg at her var det DNT-merka sti til toppen av Raudberg. Dette gjorde valet lettare. Plan var å ta ei rute frå litt lenger aust. Men det hadde vorte om lag ein km meir å gå på grusveg. Veldig flott terreng heile vegen på turen i dag. Nydeleg slette-landskap oppå fjellete, og lite vier. Her har det nok vore mykje beiting over tid. Var oppe på toppen etter 1:07 min. frå parkeringa. Så var det å sikte mot Storeskardnøse. Fann ei veldig >>>

Karte    

Systerskardfjellet og Hamarskardtoppen

Datum:
12.11.2022
Tourcharakter:
Bergtour
Entfernung:
8,0km

Dagens tur nr. to. Parkerte på stor parkeringsplass merka Røgjin. Fyrst eit kort stykkje på grusveg, før eg tok venstre der merka sti gikk vidare til Buaklanten. Prøvde å finne ei rute med jamn fin stigning, og mykje av ruta var på umerka sti. Greitt å gå her. Nådde toppen etter litt over ein time. Fin utsikt. Topp-nåla stod litt for langt nord (på trignometrisk punkt). Gikk vidare til øst-toppen, og så bratt ned i skard, før ruta opp til dagens siste topp, Hamarskardtoppen. Herifrå var toppane Totten og Storehorn svært makrerte og flotte. Fin utsikt i alle retningar, og kveldslyset gjorde seg gjeldande. Fiint. Då var det berre å finne ei rett rute nedatt til bilen. Litt lyng-baksing, men ikkje av verste sort.

Karte    

Hestebottfjellet og Nosi

Datum:
12.11.2022
Tourcharakter:
Bergtour
Entfernung:
9,0km

Det var meldt halvskya fint ver i aust. Mildværet som har vore, har smelta snøen heilt opp mot 1500 moh. Då vart det råd med enno ein fjelltur, til fots i Hemsedal. Hadde nok førebudd meg på at neste tur vart på ski. Men det for komme seinare. Litt etter at eg byrja å gå, såg eg at det var mogeleg å køyre bil over til andre sida av vatnet. Hadde spart vel 20 min., hadde eg køyrt over. No er da turgåinga ein del av konseptet her :) Fint å gå til dette fjellet. Litt blaut innimellom, etter regn denne veka. Flott utsikt mot det oppdemma vatnet Flævatn. Fint mot Storebottskarvet, og Reineskarvet. Desse to hadde framleis godt med snø på seg. På returen gikk eg oppom Nosi, ein liten haug med grøn nål. Svært flott demning, som såg relativt ny-rehabilitert ut.

Karte    

Fuglehaugnøse

Datum:
29.10.2022
Tourcharakter:
Bergtour
Entfernung:
7,4km

Tur nr. tre i dag. Dette vart den lengste i dag, den brattaste, og mest vindfulle. Starta ved parkeringa, der ein trasee av Kongevegen byrja. Traktorveg opp til stølen Fuglehaugen. Var litt i tvil om eg skulle følgje stipla sti, eller gå rett på. Såg litt på kvotane, og bestemte meg for å gå ganske rett opp, men unngå berga. Det var bratt og strevsamt å gå slik utan sti, men også ganske greitt. Det var ikkje så alt for mange høgtemeter. Siste halve km når det flata ut, var det særdeles kraftig vind. Egentleg berre moro, når ein er godt kledd. Sjangla bort mot topp-punktet. Fekk sikra vottane under ein stor stein, og tok bilder og ein video. Svært fin utsikt herifrå. Så sikta eg meg rett på Galdenøse, grøn topp, før eg returnerte i område der det skulle vere sti. Det >>>

Karte    

Skinarfjellet og Solvornnipa frå Barsnes

Datum:
15.10.2022
Tourcharakter:
Bergtour
Entfernung:
17,3km

Held fram med nokre toppar i Sogndal. Køyrde til Barsnes, med von om å kunne parkere ved sti-start. Møtte forbud-skilt ved Barsnes. Køyrde tilbake ca. 400 m, og parkere ved sjøen like før Barnses-bakken. Turen vart slik i alt 4,2 km lenger enn planlagt. Med lite mat vart det tøft siste motbakken. Rusla innover og følgde sti som er merka S1. Denne etappa går frå Sogndal til Solvorn. Det var svært blautt til å byrje med. Gikk vesentleg i ei grov. Etter kvart betre. Fint ved stølen Dal 400 moh. Då eg nærma meg, og såg bort til Helgasete (600 moh.), bestemte eg meg for å gå utanom, stien og gå direkte til toppen av Skinarfjellet. Det var sjølvsagt anstrengande i bratta oppover, men noko eg ikkje angra på. Ei avveksling, og ei fin rute samla sett. Siste 50 høgdemetarane i nysnø. >>>

Karte    

Slakkafjellet

Datum:
08.10.2022
Tourcharakter:
Bergtour
Entfernung:
6,8km

Snøen kryp nedover. Difor på leit etter lægre topp, enn kva vi finn heime. Valet fall på tur til Sogndal og Slakkafjellet. Grei tur, men eg bomma litt med tanke på veret. Sola kom fram siste kvarteret på tur nedatt. Det var svært blaut i terrenget. Noko av ruta gikk på brei solid skogsveg, men mest på sti. Det blæs på toppen, svak sikt, og kjapp stopp der. Ei raud nål til i beltet og god trim blei det. Har korrigert avstand etter Polar-klokka. Eg gløymde å søkje opp posisjon ved start av Peakbook-appen. Då blir det fly-stripe.

Karte    

Slutenosi

Datum:
07.09.2022
Tourcharakter:
Bergtour
Entfernung:
7,2km

Onsdagstur med Lærdal turlag. Sidan mørkret kjem tidleg no, køyrde vi bil opp til brua, like ved inngang til Slutedalen. Fin og lett topptur for 7 turglade folk og ein hund. God sti inn dalen. Vi fann eit godt sauetrakk litt opp i fjellsida. Veldig fin utsikt 200 meter aust for toppen.

Karte    

Nyborg -Såta - Storehaugen

Datum:
03.09.2022
Tourcharakter:
Bergtour
Entfernung:
12,3km

Parkerte bilen ved Grindheim i Erdal, 270 moh. Mykje vill-bringebær i terrenget opp frå Mork. Då kan ein ete litt. Baksida av den medaljen, er attgrodd sti. Bringebær-skog her. Opp frå Mork er det dårleg rydding i starten. Sikkert fordi Atv-vegen blir brukt i staden for. I dag missa eg stien her for fyrste gong, enno eg traff så fint opp frå stølen. Stien er fint lagt, og frå 700 moh. var det ryddig og fint opp til Nyborg. Fint her. Sti/trakk også vidare ca. ein km. Så var det å finne rute mellom vier, og så rundt skrenter opp mot toppen. Bratt innimellom. Eg gikk ut på sørleg del av toppen for å ta bilde. Også fordi eg undra meg på om det er høgaste punkt. 100 meter i retning Storehaugen står den staselige varden. Litt bilder her. Så var det å finne god rute nedover. >>>

Karte    

Vetanosi - Fagerset

Datum:
31.08.2022
Tourcharakter:
Bergtour
Entfernung:
10,8km

Tur etter jobb med Joakim. Frå ferjekaien på Fodnes og «Vetanosi Rett-opp». Ei rute med super utsikt ut fjord-armane. Flott utsikt også til store toppane ved Lærdal. Ruta går frå kaien, og etter kvart på opparbeida/merka sti. Flott utsikt frå Stegen, ca 550 moh. Frå ca. 700 moh. forlet ein stien til Fagerset, går rett opp på umerka, men opparbeida sti. Veldig bratt (ikkje luftig /utsett) ca. 180 høgdemeter, og så eit par bratte kneikar vidare. Det flatar ut litt over 1000 moh. Skal ein på høgaste punktet (SjekkUt), skrå venstre mot toppen før varden. Frå toppen er det innimellom sti/trakk nedover mot Fagerset. Derifrå på tydeleg merka sti att, med retur til Fodnes. Det er også ruter over til Lærdalsøyri her.

Karte    

Bjøbergnuten og Hestebottfjellet

Datum:
22.08.2022
Tourcharakter:
Bergtour
Entfernung:
15,0km

Innlagt feriedag og topptur i Hemsedal. Gikk ruta som går frå Bjøberg mot Bjordalsbu ca. 2 km, og sikta meg opp fjellsida. På avstand såg eg meg ut ei rute opp flanken. Det var bratt eit parti, men det gikk greitt. Hadde sett på eit FB-spor som eg trudde eg følgde. Då eg kom ned til brua, såg et at "tiurjegern" nok hadde valt litt brattare, meir ryggen ca. 250 meter lenger aust. Toppa etter 1:12. Fin utsikt til Bjøberg og ned Mørkedalen frå toppen. Så bar det kjapt nedover, ei rute meir rett på brua. Fin bru utan rekkverk. Fint å gå i dag, halvskya, og lite vind. Kryssa store elva som går ut frå 1367 vatnet mot aust etter ca. 3 - 400 meter. Dette grunna mykje vier på andre sida. Vurderte å følgje elva, men ombestemte meg for å sjekke ut dei grøne toppane. Sat >>>

Karte