Archiv - Nach Datum

Archiv - Nach Aktivität

Gesammelte Listen

Alle gesammelten Listen zeigen

Lieblingsgipfel

Amlaholten

Datum:
23.02.2025
Tourcharakter:
Bergtour
Entfernung:
4,9km

Tur med Sander i dag. Godt og mildt, og snø og is har smelta.

Karte    

Botnanosi

Datum:
21.02.2025
Tourcharakter:
Randonnée/Telemark
Entfernung:
9,1km

Andre forsøk på Botnanosi lukkast. 25. november 2023 prøvde eg meg med truger, men feilvurderte snømengda. Kom då til Åsete etter strev i djup-snø. I dag var det nok mindre snø, men satsa på kombo med truger til Åsete og Rando vidare. Det fungerte. Kram snø festa seg på trugene. Eit slit. Fint ved Åsete. Litt usikkert vèr. Veldig mildt då eg la avgarde på ski. Snøen klabba under fellene, og det var tungt oppgover. Men i dag skulle eg opp. Like før Lægdenosi kom sola, og følgde med innimellom. Då vart det kjekkare. Kaldare og betre føre også då eg passerte ca. 1200 moh. Lettare føre frå Lægdenosi til Botnanosi. Oppe ca. kl. 13:35. Her vart det to skjever og te. Sola kom og gikk, så eg fekk litt usikt. Men mot stortoppane var det mørkare. Kun eit glimt av Austanbotn-toppar. >>>

Karte    

Børrenøse

Datum:
02.02.2025
Tourcharakter:
Randonnée/Telemark
Entfernung:
4,0km

Fyrste på Randonee denne sesongen. Følgde ein del av alpintløypa. Svært isete nokre plassar. Alt for lite snø.

Karte    

Klantenovi 1/25

Datum:
31.01.2025
Entfernung:
4,0km

Fyrste tur til Klantenovi i år. Lite snø. Behov for snøkjetting grunna isete parti.

Karte    

Ski Filefjell #2

Datum:
11.01.2025
Tourcharakter:
Langlauf
Entfernung:
13,9km

Langrennstur på kalde Filefjell denne helga og. Temp var nede i minus 22, så det var godt å ha maske framfor ansiktet. Passe med kled, og fin tur i greie skiløyper. Eg var litt for seint ute til å få solstrålar.

Karte    

Ski Filefjell

Datum:
01.01.2025
Tourcharakter:
Langlauf
Entfernung:
13,9km

Då blir det unntak i år, frå prinsippet eg har halde meg til her. At berre turar som gir grøn eller raud topp skal registrerast på Peakbook. Tek med andre turar i naturen innimellom. Ikkje alt, og t.d. ikkje bordtennis-trening ;) I dag blei det min fyrste skitur denne sesongen. Lite snø, og eit bittelite uhell i starten. I det eg skulle over ei lita grov med noko is på ved Kyrkjesølen, pluppa eg uti med eine skia. Kan seie at isinga var omfattande, og gliden dårleg fyrst halvtimen. Fekk av ein del is etter to forsøk. Gliden kom seg gradvis. Fin-fin skitur i klårt vèr. Ved runding Otrøvatn, fekk Suletinden ein fin glød av sola, som fekk hjelp av ei lita godvèr-sky. For tidleg med Randonè eller fjellski enno. Det viste -20 ute då turen var ferdig litt før kl. 16.

Karte    

Klantenovi 13/24

Datum:
08.12.2024
Entfernung:
4,1km

Lenge sidan sist med topptur. Lett og kort denne. Mellomsesongen gir eit mindre utval av toppturar lokalt her i Lærdal. Håpar på godt med snø på Filefjell snart.

Karte    

Ålfjell

Datum:
09.11.2024
Tourcharakter:
Bergtour
Entfernung:
8,1km

Noko usikker på ruteval her. Men tips og zooming på Norgeskart og Peakbook, leda meg på rett veg. Kjekkare å gå i terreng enn å traske på veg i hyttefelt. Ålfjell er utbygd, eller rettare sagt nedbygd. På veg oppover var det eit stikryssa i skogen med merka begge veger. Gikk ei rute opp, og ei anna ned. I ruta opp var det litt trefall, og ein kom ut av skogen øvst i hyttefeltet. Måtte då noko innatt på veg. Ruta nedatt var svært på god sti. Møtte då sambygdingar for andre gong i dag. I skumringa. Artig. Flott utsikt på toppen. No også litt solnedgang-stemning. Alltid vakkert. Nede att ved bilen kl 16:45. Nesten heilt mørkt, men hovudlykta blei i sekken. Godt nøgd med dagen. Tre turar, og tre raude nåler. Berre 130 km køyring tilbake til Lærdal. Med Polestar, godt lydanlegg >>>

Karte    

Synet

Datum:
09.11.2024
Tourcharakter:
Bergtour
Entfernung:
5,8km

Ja, det gikk fint å køyre over stølsvidda frå Rennefjellet, og til Vaset. Navigasjon sitt hovudval, var vestover og nedatt i dalen, men lyseblå rute viste veg langs vatnet Søre Syndin. Å køyre her var også ei oppleving. Men berre når du «må». Mykje hytter, og folk med born og engelsk setter langs vegen. Frå Vaset på ny veg mot Gomobu, kr 50. Heile 15 km å køyre til der eg parkerte, 2,5 km frå turmålet. Om ein har kun ein tur/topp på plan, så tilrådast ei lenger tur-rute, t.d. ei eg køyrde forbi, skilta ca. 6 km til målet. Gikk litt utanom og plukka med nokre grøne nåler. Gikk meg på jæger med hagle og hund. Trakk litt unda, men han sa hei, som meg. Gikk meg også på sambygdinger på toppen. Kjekt. Stor utsikt frå denne toppen. Kontrastar med sikt til stortoppar >>>

Karte    

Rennefjellet

Datum:
09.11.2024
Tourcharakter:
Bergtour
Entfernung:
6,1km

Stølsvidda og toppar omkring i Vestre Slidre, skulle utforskast i dag. Eg var spent på transport -etappene med bil i mellom. Var det gjennomgåande veg, eller måtte ein nedatt i dalføret ? Tok av like etter Ryfoss, og bomveg kr 140. Stoppa ved tur-skilt som viste Rennefjellet, og gikk fyrst til toppen som dei fleste går til. Den er 3 meter lægre enn høgaste punkt. På sti vidare, til smalare sti tok meg til turmålet. Vakkert landskap, og lett terreng å gå i. Flatt etter min målestokk. Tok ei anna rute tilbake, og difor noko utanom sti. Her oppe kan ein gå til og frå ulike stader. Mange stiar, skilta og merka. Fin tur.

Karte