Sein avgjerd om tur, grunna lure-vèr. Då det lysna opp utpå føremiddag, melde eg til Anders, og han sa straks ja til tur. Han måtte fullføre fjøs-arbeidet fyrst. Avgang kvart på 12. Nydeleg vèr, og landskap etter påfyll av ca. 25 cm nysnø siste dagane. Vi var heldige med at nokre hadde starta før oss, og laga godt spor. Kosa oss oppover. Såg ein betydeleg gjeng rasta i "solvegg" vel halvvegs. Vi tok også ein matrast då, etter 1:35. Straks før brea mot Berdalseken passerte vi turfølgjet. Det viste seg å vera sjølvaste "Peakbook" på tur. Eller turfølgje leda av Morten Helgesen. Tilbod han som proff turguide tilbyr. Kjekt, då eg er superfan av bøkene hans. Vurderar også å melde meg på slik tur, når tur-kompleksitet gjer at eg treng følgje. Toppa 2:48 i turtid, etter start. Det er alltid nydeleg når ein nærmar seg denne toppen der varden har form som ein sjokolade kremtopp. Fann ly i sør litt nedanfor varden for ei matbit og varm te. Etter kvart vart det folksamt når 12-13 i følgjet, pluss oss to, og to andre var der samstundes. I tillegg var det tre som gikk fyrst og laga sporet, og som returnerte like før vi kom til toppen. Så om lag 20 personar toppa Berdalseken i dag. Returen var litt ned-tur for meg, då nysnøen bremsa mykje på fart, og morofaktor. Kunne stort sett gløyme sving-køyring, då det vart for lite fart. I tillegg plagast eg med ising på skia i dag, noko som bremsa ytterlegare. Men ved å stå i oppover-spora fekk vi da grei fart innimellom. Anders på fjellski hadde perfekt bremse-snø, og kunne køyre rett ned. Så turen nedatt gikk ganske raskt, men utan stor køyreglede-faktor. Kan ikkje få alt, alltid. Fin tur, god trim, og fantastisk natur å kvile augene på.
User comments