Trugetur frå Mollandsmarki (Resaland). Valde Bondehaug fyrst, sidan det var lengst, og med mest stigning. Landskapet var meir kuppert enn forventa. Fyrst over jordet, og her hadde det vore ein del leik med snøskuter. Etter eit par steg, forstod eg at det vart ein strevsam tur. Snøen var veldig blaut, laus og djup. Det hjalp å følgje snøskuter-spora dei fyrste få hundre meterane. Så bratt opp, og inn i skogen. Prøvde å følgje glenner med jamn stigning. Opp og fram kom vi. Det tok i overkant av ein time før vi var på toppen. På toppen var det noko utsikt, og sola kika fram. Koseleg. Nedatt gikk det sjølvsagt mykje lettare, med gode trugespor. Halvtimen nedatt til vegen. Vi bestemde oss for å ta med Storehaug og, når vi fyrst var her. Litt seint på dagen, men det skulle da halde. Lettare opp her, med jamn fin stigning på ein traktorveg. Halvtimen opp til toppen. Stor varde her. Lite utsikt frå skogen på toppen. Men utsikt på turen slik innimellom, var det. Molden, Store Haugmelen, Urnes, Lustrafjorden, ja til og med Store Hånosi. Det var svært isete på vegen ut hit, men godt strødd. God trim, og kjekt at Marita vart med i dag.
User comments