Store og Vetle Haugmelen (18.11.2023)
Ascents | Store Haugmelen (1,172m) | 18.11.2023 13:53 |
---|---|---|
Vetle Haugmelen (1,118m) | 18.11.2023 14:38 |
Sidan fyrste tur til Store Haugmelen i 2005, har denne lege å vaka hjå meg. Plan var då å ta med Vetle, og plan var definitivt i haust. Men tida går, og mange prosjekt surrar samstundes. Sidan 3 Peakbook-musketeer frå feil side av vass-skilet hadde slått meg i mi ieiga leikegrind, måtte denne turen takast ved fyrste høve (humor). Men ingenting så gale at det ikkje er godt for noko. Gutta frå aust hadde trakka fine spor. Sein avreise i dag, men eg beina på frå parkeringa ved Dalåker kl. 11:55. God brei grusveg dei fyrst 3,7 km, til overgang traktorveg, og sti til sist mot Vassløysa. 1:10 dit. Eg følgde stien som går rett inntil veggen bak øvste hytta aust. Etter kvart var trakka til hjelp oppover, på den måten at eg ikkje trong å leite etter stien. Etter knapt to timar stod eg ved den statselege varden på Store Haugmelen. Pmf. på vaksne 972 moh. Og merk, eg klokka inn 13:53, nøyaktig same minutt som "Atomsilda" på måndag. Ved store varden vart det mat og varm te. Aldeles nydeleg utsikt til fjord og fjell, og enno betre vidare frampå. Difor flott å ta denne turen vidare ned ryggen, og mot Vetle Haugmelen. Det var berre å nyte nedover, og følgje opptrakka spor. Her er noko ur, og etappa ned ryggen hadde mest snødjupn på turen. I skaret var det flott lys og utsikt mot Bleia. Lett stigning opp mot Vetle Haugmelen. Denne ligg i Luster og ikkje i Sogndal, noko eg ikkje hadde lese meg opp på. Fantastisk utsikt her også, sjølv om toppen er flat. No var det å gå ned sida i retning mot Breisete. Lyset avtok, og gav ekstra krydder på turen. Gikk beint på, i gjennom stølsområdet, lags vatnet og pausa litt ved demninga. Her er flott å sjå oppatt på dei to toppane, ved det islagte Breisetevatenet, som er drikkevasskjelda til dei som bur i Kaupanger. Tok av snøkjettingane, som eg tok på på toppen. Dei måtte ikkje vere på, men hindra kanskje fall nede i lyngpartiet. No var det att 5 km trasport på god grusveg, med litt fin snø. Veksla på å gå og småspringe ned til parkeringa. Turdag som gav glede.
User comments