Topptur-runde høgt i Hemsedal (01.10.2023)
Ascents | Skurvefjellet (1,739m) | 01.10.2023 12:03 |
---|---|---|
Bjørnbakknøse (1,705m) | 01.10.2023 12:48 | |
Grunnane Vest (1,661m) | 01.10.2023 13:30 | |
Grunnane (1,668m) | 01.10.2023 13:41 | |
Nibbi Nord (1,733m) | 01.10.2023 13:58 | |
Nibbi (1,741m) | 01.10.2023 14:17 | |
Visits of other PBEs | Fetjane parkeringslomme (910m) | 01.10.2023 10:06 |
Fetjaåne bru (920m) | 01.10.2023 10:08 | |
Løkjestølane vinterparkering (935m) | 01.10.2023 15:07 |
I dag vart det både bratt, goldt, nydeleg og flott. Det vart også ein omfattande rapport. Forklaring til kva ein ser på alle bileta. Parkerte ved Fetjane. Marita vart att i bubilen, og skulle møte meg seinare ved Løkjestølane. Fyrst inn ca. 2 km på ruta mot Såta, der eg var i går. Ved vatnet, var det fyrst å følgje sti så langt som råd. Så blir det steinete. Det skal gå å følgje ryggen heilt opp. Eg var inne på ryggen i eit naturleg drag, for så å gå innatt i renna. Den var til dels svært laus. Det blei litt att og fram, og freiste å trø på større steinar. Opp her var det bratt og det gikk seint. Oppe flata det heilt ut, for så å stige varsomt opp mot varden på Skurvefjellet, knapt 2 timar etter start. På nordsida av toppen var det rima, og litt glatt på steinane. Var forsiktig. Litt etter passering av haug 1648 sjekka eg avstand til Bjørnbakknøse. Kun 1 km i luftlinje. Hadde ikkje planlagt å ta med denne i dag, men no var eg nær og den måtte med. Gikk raskare opp og ned på denne enn forventa. Fin utsikt frå toppen, som eg nådde 2:45 etter avgang. Kjapt nedatt, og no litt på flata, før snill signing mot Grunnane sør. Litt bratt ned frå denne, men fine renner. Så eit drag mot Grunnane. Her korrigering av kurs 110 grader, og mot Nibbi nord. Lett å orientere seg då det var god sikt. Innimellom fin utsikt mot snillare landskap i Valdres, før stigninga mot Nibbi-ane. Fint også mot Skogshorn. Nibbi vart nådd knapt 4 timar etter avgang. Traff to damer og ein hund på toppen. Så var det nedover i varierande stein og lausare stein/grus-massar. Varsemd løner seg, men det blir greiare når ein kjem ned til gras-slettene. Vurderte til og frå kva side av elva eg skulle gå på, når eg kom lenger ned. Valde den næraste stien slik det såg ut på kartet i appen. Passerte elva for å komme dit. Det var ikkje lurt. Sleit med ein god del einerbusker nedover, også der stien var. Litt bushing. Men det var ikkje så langt belte. Tapte nok 10 min mot eit betre val på hi sida, vil eg tru. Sidan rutevalet hadde vore nærast perfekt i dag, må ein vel rekne med litt rusk på slutten. Svært tilfreds med å ha fått med desse tre toppane, og så seint på året. Fantastisk opplevelse å gå opp i det golde slik. Den skikkeleg tunge oppgangen til fjellet, var tøff, men høyrer med. Når ein så ser stølane, og oppatt på fjellet etterpå, så blir ein ganske glad og tilfreds med prestasjonen. Logga topp 400 over 100 pmf. på Peakbook i dag også.
User comments