Avspasserte halvanna time i dag, for å få ein fjelltur før regnveret tek over helga. Området rundt Kvitingsmorki er svært flott. Klassifisert som "Naturreservat". God sti, og bratt dei fyrste 400 høgdemeterane. Så er det fint stigande på det som opplevast som ganske langt, før ein er oppe på stølen Kvitingsmorki. Målte til vel 4 km. Sjekka litt ut ein sti med tanke på anna rute på retur, men slo det i frå meg. Hadde vorte mykje lyng trur eg. Sti også vidare innover fjellet. Då eg tenkte på å dreia mot toppen, stod det faktisk ein varde klar for meg. Heldt meg litt til høgre for ryggen opp, og det samme ned. Som vart motsett. Også litt for variasjon sin del. Flott å gå men meir uryddig opp. Fint når ein kom opp på "flatene". Nydeleg utsikt til flotte toppar i Årdal og Lærdal. Etter litt fotografering og ei skjeve, vart det retur. Fin-fin ettermiddagstur i dag.
User comments