Tur frå Øvstedalen, opp frå Fardal i Sogndal. Fyrste gong eg køyrde opp og inn denne dalen. Her var det eit større område, og fleire gardar og bygningar enn eg hadde tenkt. Fin brei veg innover jordbruks-dalen. Fjellet Skriki er veldig markert med styrtningar mot nord, på venstre side når ein køyrer inn dalen. Fint opparbeida parkeringplass hundre meter ovanfor stistart (ein må gå noko nedatt). Gjennom grind og over bru, opp til støl. Drei høgre etter bygning, og rett opp. Fin sti, og lettare stigning enn venta opp til om lag 700 moh. No blir det brattare til det flatar ut ovanfor Skriksvatnet. Her var merka to ruter til Skriki. Eg dreia 90 grader venstre, og bratt rett opp ca. 20 høgdemeter. No følgde stien ein fin rygg oppover til ein etter kvart skrådde over i ein flanke. Her var det nokre brattare parti. Bratt også siste 150 høgdemeterane, rett opp på fin grasbotn. Topp-punktet var ganske straks etter det flata ut. Så var det ca. 300 meter bort til Veten (Skriki sør), ein stor varde med to postkasser. Her var det fin utsikt mot Bleia, Aurlandsfjorden, Fresvik, ut mot Vangsnes m.fl. Fint også på retur, då med ustikt nordover. Alltid kjekt å gå på eit sjølvstending fjell, med høg primærfaktor. Samme ruta på retur. Ser at ein kan gå til Skriki frå ulike stader, også frå Norane ved fjordsida.
User comments