Tur til Tissedalsvarden med Rolf. Nydeleg sommarskitur. God glid på klisterføre, og vi unngikk luggeføre og gjennomslag. Inn Flyene, og fint opp til store varden. God pause her. Her kan ein sjå seg rundt og verkeleg nyte 360 panoramaet. Vi tok ei litt anna rute ned, for å komme nær oppgang frå Tissedalsvatnet i retning Norddalsvatnet. Vi måtte av og på med skia nokre få gonger. Fann ei fin lei opp frå vatnet. Her ser det uframkommeleg ut. Mange små knausar, ein liten labyrint. Men plutseleg flata det ut, og vi tok ein ny rast overfor Norddalsvatnet. Nydeleg skue innover Aurland, og Lærdalsfjell. Her såg eg meg ut ei rute mot Vesle Liahovden, som eg har tenkt å gå som sommarskitur. Det kunne ha gått i dag, hadde eg kjent terrenget betre. Og no blir det snart for seint for sesongen. Denne rundturen gav meg god kunnskap om terrenget inn mot Norddalsvatnet, som er det som er mest komplekst med ruta. Ein fin varde over Tissedalsskavlen er ei god rettesnor, og ein må gå i ein liten boge. Nydeleg rekognoseringstur.
User comments