Rask formiddagstur i finveret i Askvoll. Bygda har mange turmål som er godt tilrettelagt med skilting og merking. Det er opparbeida ein fin bubilcamp ved småbåthamna. Askvoll er ei fin bygd, som har dei fleste fasilitetar. Turvalet fall på Blåfjellet, sidan det var den høgaste toppen i bygda. Toppen er over 500 i pmf. noko som gjer den litt ekslusiv for nerdete topp-samlarar. Sykla opp til parkeringa, 800 meter frå hamna. Ned ein liten bakke, og så nokre hundre meter langs elva på breid sti. Så gikk stien rask opp i terrengt, vekslande mellom stein og sti. Lenger opp var det nokre myrparti innimellom. Fint å gå, med nokre brattare opptak innimellom. Formidabel utsikt frå toppen. Mellom anna nordvestover mot øyane utanfor Florø, og nordaustover mot mektige Bremanger-fjell. Frå parkeringa 57 min opp og 35 nedatt med litt tung kropp i dag. Var ikkje geara på å gå fleire toppar bortetter i dag. Godt å sola seg i hamna ei stund, før vi vende nasen heimover ca. kl. 15.
User comments