Helleberget og Dyrhovden (01.03.2023)
Ascents | Helleberget (988m) | 01.03.2023 16:15 |
---|---|---|
Dyrhovden (948m) | 01.03.2023 17:09 |
Litt avspassering vart til ein skitur frå Hollekve i Sogndal. Målet var Helleberget, med opsjon på Dyrhovden. Resultat på begge, men noko undring undervegs. Følgde ruta over brua skilta til Helleberget. Sannsynlegvis ei sommar-rute. Men her var fint å gå oppover. Ruta til topps var heilt fin. Idyllisk ved vatnet og hyttene under toppen på austsida. Toppen var rund-flat, måtte litt forbi postkassa. Svært fin køyring nedatt frå toppen. Skikkeleg mjuk og turr snø på 10 - 15 cm. Nesten nede tok eg ein lang sving i retning mot fjellet eg rekna med var Dyrhovden. Det viste seg å vere rett, men undringa skuldast at appen svikta meg totalt i dag. Heilt fint til topps, og så eit par hundre meter i nedkøyringa, stoppa den. Ikkje hadde eg teke med GPS heller. Men eg hadde studert kart på førehand, og ruta eg valde til Dyrhovden var ok. Blanda følelsar i dag. Nydeleg snø, flotte fjell, men forbi stølane under Helleberget, og i retning Dyrhovden var det haugavis av snøskuter-spor. Og dette var tydeleg tyla-køyring. Opp mot Bollesteinshamrane hadde dei leika seg godt. Sikkert kjempemoro. Men bør ikkje slik sport utøvast på fast tilvist plass ? Ser at skuterspora skjemmer bilda meir enn kva et trudde då eg tok dei. Uansett, var det no kjekt med to raud toppar på ein ettermiddag. Valde ei anna rute på returen, for å gjere meg litt kjend.
User comments