Etter ei helg med velkomment regn, letta det opp søndag. Då låg det til rette for ein lett tur i Høgfjellet. Vang-lista med 100 pf. har eg vel eigentleg byrja på no. Den har litt volum. Veldig fine fargar og fint terreng over grusvegen innover mellom Tyin og Tyinholmen. Fann ei grei rute. Etter få hundre meter inn på småstiar og dyre-trakk. Det er lettast å gå i slikt terreng om ein finn små ryggar og dalføre. Flankar er meir vriene, og kuppert. Så må ein gå litt slalom utanom myrar og vier. Sola kika fram no og då. Ein knapp time til fyrste småtoppen med trig. punkt. Så 6 min over til topp-punktet på Møsaryggene. Fin utsikt ned mot Steinbusjøen. Så vidare mot markerte Skølten. Visuelt ein skikkeleg topp. Bratt opp egga. Ca. 35 min hit. Nydeleg utsikt til tindane mot nord. Gikk litt nedover mot nord, før eg fann mogeleg stad å ta ned frå egga. Det blei bratt flanke, men greitt ned. Likar betre å gå over toppar, og rund-turar heller enn opp og ned same rute. Retur så beste ruta mot startpunktet.
User comments