Langtur med avgang MB Bitihorn kl 7:20. Fin båttur på Bygdin inn til Torfinnsbu. Nydeleg å sjå Kalvehølotind og Torfinnstind frå båten. Så var det å gå forsiktig oppover lyngrabber, og prøve å finne ei god rute. Det gikk greit. Litt kald vind om morgonen. Vi var spent på fyrste klyvepunktet (grøn trekant 1). Det gikk greitt, men var brattare enn forventa. Hadde kvia meg nedatt denne. Vi utforska ikkje omgåinga til venstre. Andre bratta (grøn trekant 2) med kort klyvepunkt var heilt greitt. Lettare terreng, til ura siste knapt 200 høydemeter. Og her byrja snøen. Eit vakkert fjell å bestige, Nørdre Kalvehølotind. Vidare var det nytrødde spor som gjorde det lettare. Opp mot Midtre Kalvehøgde, og så litt opp og ned småskar før vi stod på Vestre Kalvehøgde. Litt snø i lufta og skiftande. Fin utsikt mot Leirungskamp- og Kalven på platå 20 meter forbi toppen. På returen tok vi også med småtoppane. Litt fotografering måtte ein også ta seg tid til. På Austre Kalvehøgda kraup vi inn i vindsekk for matrast. Tempoet oppe mellom toppar og skar var litt lågt. Rett som det var trødde ein godt i gjennom, og det er fort å få eit beinbrot i slike situasjonar viss tempoet er høgt. Frå Mugna og ned at auka tempo noko, og lange snøfelt var til god hjelp. Vi fann ei fin rute, til sist gjennom fin dal forbi Heimre Fagerdalstjern og ned til Bygdin. Knapt 13 timar var ei god dagsøkt, og vi var slitne siste timen. Turen var ei flott oppleving i barsk natur med fleire årstider. Mange flotte fjell, formasjonar, brear, utsikt, og fjellandskap. Det klikka inn 8 toppar, og der 4 var nye for oss.
Me vart godt trøytte siste timen ja. Fantastisk opplevelse. Skiftande. Mange timar i snø på sleipe steinar over 2000 meter. Ruta er fin, og innafor i tal km. Men det tok tid oppi der. Må eta mat og fotografere litt og. Tilrådast i turt og når snøen har smelta :)
User comments
Missing title
Written by JonnyA 13.07.2020 21:00Litt av ein runde dette der!
Sv:
Written by Esone 13.07.2020 22:11Me vart godt trøytte siste timen ja. Fantastisk opplevelse. Skiftande. Mange timar i snø på sleipe steinar over 2000 meter. Ruta er fin, og innafor i tal km. Men det tok tid oppi der. Må eta mat og fotografere litt og. Tilrådast i turt og når snøen har smelta :)