Hånosi og Hestehovden i Oftedalen (06.07.2017)
Ascents | Hånosi (1,574m) | 06.07.2017 15:43 |
---|---|---|
Hestehovden (1,510m) | 06.07.2017 16:28 |
Nytta ein fin feriedag til ein fjelltur med rute som tok med to Lærdalstoppar på pm 100. Gikk frå sjukehuset i Lærdal til Oftedalen. Vidare opp til Øksenvatnet, Småvotni, og runda opp på Hånosi frå austsida. Nokre snøbruer, men greie å skrå over, før bratt opp på platået. Då var det å dreie litt i norleg retning, og eg nådde varden etter ca 5 min. Varden var rund, stor og staseleg, men det hadde rasa ut litt på sørsida.
Så var det å gå over Hånos-fjellet til Helle-skaret, og opp på Hestehovden, ein litt lågare topp på hi sida av Oftedalen. Nedatt derifrå var det vakker natur med frodige beiteområde i 1000 - 1400 høgdemeter. Mange sauer med lam storkosa seg her oppe. Herifrå var vakre Lærdalsøyri med fjorden, frodig og flott i fugleperspektiv :) Så var det å finne "nedgangen" i bratta til Oftedalsstølen. Etter litt basking fann eg denne eldre stien som går opp ca. 200 høgemeter frå fyrste bygningen på stølen. God å ha når ein skal opp eller ned av terrengen her, som elles er bratt og tilgrodd. Frå Oftedals-stølen god stølsveg nedatt siste 800 høgdemeterane same veg.
Ein svær vakker tur, med mange nydeleg perspektiv, i 360 panorama frå høge fjell i nærleiken av Lærdalsøyri.
User comments