Sein avgang i dag. Familiekos nokre dagar då son, svigerdotter og tvillingane på 1 1/2 år har vore på besøk sidan 1. mai. Veldig kjekt. Dei køyrde austover kl. 10, og eg blei klar for tur, etter litt somling. Avgang frå Eldrevatnet kl. 12:20. Eg var spent på føre, sidan det var 21 grader i låglandet og 14 ved Eldrevatn. Føret var ikkje topp, men kun få gjennomslag på turen. Ein nydeleg dag vart det i sola og varmen. Etter fyrste oppstigninga frå fjellfoten, la eg ruta i ein lang boge. Då slepp ein skrågang. Gammal vane kanksje, då ein med Rando kan gå rett på. Måtte ned nokre få høgdemeter eit par plassar med den ruta eg valde. Etter vel 2 1/2 time stod eg på toppen. Det var litt vind her, men meir fønvind enn kaldt. Tok på jakka for retur i alle fall. Åt skjever på toppen og skua utover vår vakre fjellheim. Kjendt og kjært til Filefjell, Hemsedal, og vakre toppar i Jotunheimen. Valde ei meir direkte rute nedatt. Det vart fin-fin køyring helt til nede att ved fjellfoten. Ikkje super glid, men greitt nok, og berre eit par "suug". Hadde på glider før returen. Dei meir flate partia, siste 4 1/2 km gikk ganske tregt. Noko staking. Men trong ikkje å ha på fellene på retur i dag. Fin-fin tur, god trim, og knapt 4 timar på tur. Greitt det :)
User comments