Helgetur m.a. til område ved kysten. Ferga ut til Barmen hadde laurdags-rute. Så då var siste gått, då vi kom på kaien kl. 18. Parkerte der med tanke på ferge i morgon tidleg. Men plutseleg 20:50 kom det ekstraferge som gikk i retur kl. 21. Så då tok vi den. Køyrde på smal veg opp til det flata ut, og fann stad å parkere ved stistart. Stod skilt "Skjolden" der, så blink. Overnattar her i bubilen. Så då blei det kveldstur på meg, i nydeleg solnedgang mot Stad-halvøya. Stien var godt merka med pinnar med raude merke. Nokre bratte opp-klyv fleire stader, men ikkje vanskeleg. Eit sva-parti kunne vorte litt smågufs på retur vist blaut. Men det var turt, og eg heldt meg godt i overkant. Aldeles fantastisk utsikt frå toppen. Nydeleg også å gå nedatt, og sjå utover havet. Fine stein-pålar viste veg i øvre del. Burde ha teke bilde av dei. men var litt bergteken. I morgon ny tur ein ny stad. Men eg lyt legge om på planar, då skituren til Ålfotbreen som eg hadde meldt meg på til laurdag, vart avlyst.
Benutzerkommentare